ପୁରୀ: ଜିଲ୍ଲା ବଳଙ୍ଗା ଥାନା ପୋଲିସକୁ ମିଳିଛି ବଡ଼ ଧରଣର ସଫଳତା l ଏକ ପେଷାଦାର ଲୁଟେରା ଗ୍ୟାଙ୍ଗକୁ ଧରିବାରେ ସଫଳ ହୋଇଛି ବଳଙ୍ଗା ପୋଲିସ । ଗତ କିଛିଦିନ ତଳେ ପିପିଲି ଓ ବଳଙ୍ଗା ଅଞ୍ଚଳର ଏକାଧିକ ଘର ଏବଂ ଦୋକାନରୁ ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଥିଲା l
ଲଗାତାର ଭାବେ ବୃଦ୍ଧି ପାଉଥିବା ଚୋରି ଘଟଣାକୁ ନେଇ SDPO ଦେବଦତ୍ତ ବରାଳଙ୍କ ନେତୃତ୍ୱରେ ଏବଂ ବଳଙ୍ଗା ଥାନା ଅଧିକାରୀ ସମରେନ୍ଦ୍ର ପାଇକରାୟଙ୍କ ତଦାରଖରେ ଏକ ଟିମ ଏହାର ତଦନ୍ତ ଆରମ୍ଭ କରିଥିଲେ l ବିଳମ୍ବରେ ହେଉ ମଧ୍ୟ ବଳଙ୍ଗା ପୋଲିସ ଏହି ପେଷାଦାର ଲୁଟେରା ଗ୍ୟାଙ୍ଗର ତିନିଜଣଙ୍କୁ ଗିରଫ କରିବା ସହ ଚୋରୀ ହୋଇଥିବା ସାମଗ୍ରୀ ସହ 66 ହଜାର ଟଙ୍କା ଜବତ କରିଛି l
ବଳଙ୍ଗା ପୋଲିସକୁ ବଡ଼ ସଫଳତା, ପେଷାଦାର ଚୋର ଗ୍ୟାଙ୍ଗ ଗିରଫ