ପୁରୀ:ଲକଡାଉନ ଓ ସଟଡାଉନ ଯୋଗୁଁ ବରିଷ୍ଠ ନାଗରିକଙ୍କ ସମସ୍ୟା ସମାଧାନ ନେଇ ପୁରୀ ପୋଲିସ ବ୍ୟବସ୍ଥା କରିଛି । ଯେଉଁଠାରେ ବରିଷ୍ଠ ନାଗରିକ ଏକୁଟିଆ ରହୁଥିବେ ଅବା କେହି ସାହାଯ୍ୟ କରିବା ପାଇଁ ପାଖରେ ନ ଥିବେ ସେ କ୍ଷେତ୍ରରେ କରିବ ବରିଷ୍ଠ ନାଗରିକଙ୍କୁ ପୋଲିସ ସାହାଯ୍ୟ କରିବ । ଏନେଇ ଏକ ହେଲ୍ପଲାଇନ ନମ୍ବର 6370972100 ଜାରି କରିଛନ୍ତି ପୁରୀ ଏସପି କେ ବିଶାଳ ସିଂ ।
ପୋଲିସ ପକ୍ଷରୁ ବରିଷ୍ଠ ନାଗରିକଙ୍କ ପାଇଁ ହେଲ୍ପଲାଇନ ନମ୍ବର ଜାରୀ
ଏହି ନମ୍ବରକୁ ବରିଷ୍ଠ ନାଗରିକମାନେ ଫୋନ କଲେ ପୋଲିସ ପକ୍ଷରୁ ସମସ୍ତ ସହାୟତା ଦିଆଯିବ ବୋଲି ପୁରୀ ଏସପି କହିଛନ୍ତି । ସେହିପରି ପୁରୀରେ ଲକଡାଉନ ଓ ସଟଡାଉନକୁ କଡାକଡି ପାଳନ କରୁଛି ପୋଲିସ । ଅମାନିଆଙ୍କ ଠାରୁ ଜରିମାନା ଆଦାୟ ହେଉଛି। ତେବେ ପୋଲିସ କେବେ ଲୋକଙ୍କ ଠାରୁ ଜୋରିମାନା ଆଦାୟ କରିବାକୁ ଚାହେଁ ନାହିଁ। ଲୋକମାନେ ସହଯୋଗ କଲେ ଲକଡାଉନ ସଫଳ ହେବ ବୋଲି ଏସପି କହିଛନ୍ତି । ସେହିପରି ସକାଳ 6 ଟା ପ୍ରାତଃଭ୍ରମଣ ଓ ସନ୍ଧ୍ୟା ଭ୍ରମଣ ଉପରେ ପୋଲିସ କଟକଣା ଲଗାଇଛି ।