ପୁରୀ:ପୁରୀ STF ଆଜି ସହରର ବିଭିନ୍ନ ସ୍ଥାନରେ ଚଢାଉ କରି 14 ଲକ୍ଷ ଟଙ୍କାର ବ୍ରାଉନ ସୁଗାର ଜବତ କରିଛି । ଘଟଣାରେ 2 ଜଣ ବ୍ରାଉନ ସୁଗାର ବେପାରୀଙ୍କୁ ମଧ୍ୟ ଗିରଫ କରି କୋର୍ଟ ଚାଲାଣ କରିଛି ।
ଗିରଫ ଦୁଇ ବ୍ରାଉନ ସୁଗାର ବେପାରୀ ହେଲେ ଖୋର୍ଦ୍ଧା ଟାଉନ ଥାନା ଗୁରୁଜଙ୍ଗର ସୁଶୀଲ କୁମାର ସାହୁ ଓ ସାଗର ସୁନ୍ଦର ପ୍ରଧାନ । ପୋଲିସର ସୂଚନା ଅନୁଯାୟୀ ପୁରୀ ସହରରେ ବ୍ରାଉନ ସୁଗାର ବ୍ୟବସାୟ ଉପରେ ପୁରୀ ପୋଲିସର ଏସଟିଏଫ ନଜର ରଖିଥିଲା । ତେବେ ପୁରୀ ନରେନ୍ଦ୍ର କୋଣ ଅଞ୍ଚଳରେ ଦୁଇ ଜଣ ଯୁବକ ଖୋର୍ଦ୍ଧାରୁ ବ୍ରାଉନ ସୁଗାର ଆଣି ପୁରୀରେ ବିକ୍ରି କରୁଥିବା ଖବର ଆସିଥିଲା।