ନୂଆଦିଲ୍ଲୀ: ଆଜି ଉଦଘାଟିତ ହେବ ପୁରୀ ଶ୍ରୀ ଜଗନ୍ନାଥ ମେଡିକାଲ କଲେଜ ଆଣ୍ଡ ହସ୍ପିଟାଲ । ଉଦଘାଟନ ପୂର୍ବରୁ ଦେଖାଦେଇଥିବା ଶ୍ରେୟ ରାଜନୀତିର ଅନ୍ତ ଘଟିଛି । ଶେଷରେ ଚାପରେ ଆସି ଚେତିଛନ୍ତି ରାଜ୍ୟ ସରକାର । ମେଡିକାଲ କଲେଜ ଉଦଘାଟନ ଉତ୍ସବକୁ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ମନସୁଖ ମାଣ୍ଡଭିୟଙ୍କୁ ନିମନ୍ତ୍ରଣ କରିଛନ୍ତି ।
ଏନେଇ ଟ୍ବିଟ ଯୋଗ ସୂଚନା ଦେଇଛନ୍ତି ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର । ଟ୍ବିଟ କରି ସମ୍ବିତ କହିଛନ୍ତି କେନ୍ଦ୍ର ସରକାରଙ୍କ ଦ୍ବାରା ପ୍ରାୟୋଜିତ ଯୋଜନା ଗୁଡିକର ଉଦଘାଟନ ଶିଳାନ୍ୟାସ ପାଇଁ କେନ୍ଦ୍ର ସରକାରଙ୍କୁ ନିମନ୍ତ୍ରଣ କରିବା ବିଧି ପରମ୍ପରା ରହିଛି । ହେଲେ ପୁରୀ ଶ୍ରୀ ଜଗନ୍ନାଥ ମେଡିକାଲ କଲେଜ ଉଦଘାଟନ ଉତ୍ସବକୁ ରାଜ୍ୟ ସରକାର ନିମନ୍ତ୍ରଣ କରିନଥିଲେ । ଏହାକୁ ନେଇ ପ୍ରତିବାଦ ହେବା ସହ ରାଜ୍ୟର ନେତା ମାନେ ମଧ୍ୟ ଆପତ୍ତି ଉଠାଇଥିଲେ ।