ପୁରୀ: ମହାପ୍ରଭୁଙ୍କ ସୁଵର୍ଣ୍ଣର କୁଣ୍ଡଳ ଓ ଶ୍ରୀଭୂଜ ମରାମତି ହେବ । ଏଥିପାଇଁ ଏକ ବେସରକାରୀ ଅନୁଷ୍ଠାନକୁ ଦାୟିତ୍ବ ଦିଆଯାଇଛି । ଅନୁଷ୍ଠାନର ୪ଜଣ ଅଭିଜ୍ଞ କାରିଗରଙ୍କ ଦ୍ବାରା ଏହି ମରାମତି କରାଯିବ ବୋଲି ସୂଚନା ମିଳିଛି ।
ଶ୍ରୀବଳଭଦ୍ର ଓ ଶ୍ରୀ ଜଗନ୍ନାଥଙ୍କ ସୁବର୍ଣ୍ଣ ଶ୍ରୀଭୂଜ ମରାମତି କରାଯିବ। ଶ୍ରୀଜଗନ୍ନାଥଙ୍କ 2ଟି ଓ ଶ୍ରୀ ବଳଭଦ୍ରଙ୍କର 2ଟି ଶ୍ରୀଭୂଜ ମରାମତି କରାଯିବ। ଶ୍ରୀଭୂଜର ଖଡୁ ବା ବଳା ଓ ପାପୁଲି, ଆଙ୍ଗୁଠିର ମରାମତି କରାଯିବ। ସୁନା ଦ୍ଵାରା ଏହାର ମରାମତି କରାଯିବ। ମରାମତି ପରେ ମହାପ୍ରଭୁ ସୁନାବେଶ ବା ରାଜାଧିରାଜ ବେଶରେ ବିଭୂଷିତ ହେବେ। ଏଥିପାଇଁ ୧୨୦୦ ଗ୍ରାମର ସୁନାର ଆବଶ୍ୟକତା ରହିଛି।