ସ୍ନାନଯାତ୍ରାରୁ ନିଳାଦ୍ରୀ ବିଜେ ଯାଏଁ ଚୂଡାନ୍ତ ହେଲା ନୀତି ନିର୍ଘଣ୍ଟ

ମହାପ୍ରଭୁଙ୍କ ସ୍ନାନଯାତ୍ରାରୁ ନବଦିନାତ୍ମକ ରଥଯାତ୍ରାର ଶେଷ ପର୍ଯ୍ୟନ୍ତ ସମସ୍ତ ପ୍ରକ୍ରିୟା ଶେଷ ହେବା ନେଇ ନୀତି ନିର୍ଘଣ୍ଟ ହେଲା ଚୂଡାନ୍ତ । ପୂର୍ବ ନିର୍ଦ୍ଧାରିତ ସମୟ ଆଧାରରେ ଶେଷ ହେବ ମହାପ୍ରଭୁଙ୍କ ସମସ୍ତ ନୀତିକାନ୍ତି । ଅଧିକ ପଢନ୍ତୁ...

ପୁରୀ: ମହାପ୍ରଭୁଙ୍କ ସ୍ନାନଯାତ୍ରାରୁ ନବଦିନାତ୍ମକ ରଥଯାତ୍ରାର ସମସ୍ତ ପ୍ରକ୍ରିୟା ଶେଷ ହେବା ପାଇଁ ନୀତି ନିର୍ଘଣ୍ଟ ଚୂଡାନ୍ତ ହୋଇଛି। ଛତିସା ନିଯୋଗ ବୈଠକରେ ନୀତି ନିର୍ଘଣ୍ଟକୁ ଅନୁମୋଦନ କରାଯାଇଛି । ସ୍ନାନଯାତ୍ରା ଠାରୁ ବିଶ୍ବ ପ୍ରସିଦ୍ଧ ନବଦିନାତ୍ମକ ଘୋଷଯାତ୍ରା ଶେଷ ହେବା ପର୍ଯ୍ୟନ୍ତ ମହାପ୍ରଭୁଙ୍କ ସମସ୍ତ ନୀତିକାନ୍ତି ସୂଚାରୁ ରୁପେ ସମାପ୍ତ କରିବା ପାଇଁ ପୂର୍ବନିର୍ଦ୍ଧାରିତ ସମୟ ନିର୍ଘଣ୍ଟ କରାଯାଇଛି ।

ସୂଚନା ଅନୁଯାୟୀ 24 ତାରିଖରେ ସ୍ନାନଯାତ୍ରା ଦିନ ରାତି 1 ଟାରେ ମଙ୍ଗଳାର୍ପଣ , ରାତି 1 ଟାରୁ ଭୋର 4 ଟା ମଧ୍ୟରେ ପହଣ୍ଡି ଆରମ୍ଭ ହେବ, ସକାଳ 7.30 ରୁ 9.30 ମଧ୍ୟରେ ଜଳ ଲାଗି ହେବ । 10.30 ରେ ଛେରା ପହଁରା , 11ଟା ରୁ 12ଟା ମଧ୍ୟରେ ହାତୀବେଶ , ସଂନ୍ଧ୍ୟା 5 ଟାରୁ 8 ଟା ଭିତରେ ଶ୍ରୀଜୀଉଙ୍କ ବାହୁଡା ପହଣ୍ଡି ଅନୁଷ୍ଠିତ ହେବାର ନୀତି ନିର୍ଘଣ୍ଟ ସ୍ଥିର କରାଯାଇଛି ।

ନିଳାଦ୍ରୀ ବିଜେର ନୀତି ନିର୍ଘଣ୍ଟ

ସେହିପରି ରଥଯାତ୍ରା ଦିନ ସକାଳ 8ଟାରେ ରଥ ପ୍ରତିଷ୍ଠା, 8ଟା 30ରେ ପହଣ୍ଡି ଆରମ୍ଭ, ଛେରା ପହଁରା ନୀତି ଦିନ 2ଟାରେ ଅନୁଷ୍ଠିତ ହେବାକୁ ଥିବାବେଳେ ଦିନ 3 ଟାରେ ରଥ ଟଣା ଆରମ୍ଭ ହେବ । ସେହିପରି ବାହୁଡା ଯାତ୍ରା ଦିନ ଦିନ 12 ଟାରୁ 2ଟା 30 ମଧ୍ୟରେ ପହଣ୍ଡି, 4ଟାରେ ରଥ ଟଣା ଆରମ୍ଭ ହେବ । ସେହିପରି ସୁନାବେଶ ଦିନ 4 ଟାରୁ 5 ଟା 30 ମଧ୍ୟରେ ସୁନା ବେଶ ଆରମ୍ଭ, ରାତି 11 ଟାରୁ 12 ଟା ମଧ୍ୟରେ ବେଶ ଲାଗି ହେବ ନୀତି ଆରମ୍ଭ ହେବ ।

ସ୍ନାନଯାତ୍ରାରୁ ନିଳାଦ୍ରୀ ବିଜେ ଯାଏଁ ଚୂଡାନ୍ତ ହେଲା ନୀତି ନିର୍ଘଣ୍ଟ

ଶ୍ରୀ ଗୁଣ୍ଡିଚା ଯାତ୍ରାର କାର୍ଯ୍ୟସୂଚୀ

ଅଧର ନୀତିର ନୀତି ନିର୍ଘଣ୍ଟ

ସେହିପରି ନୀଳାଦ୍ରି ବିଜେ ଦିନ ଅପରାହ୍ନ 4 ଟାରେ ଶ୍ରୀ ଜୀଉଙ୍କ ପହଣ୍ଡି ଆରମ୍ଭ ହେବାର ସମୟ ନିର୍ଘଣ୍ଟ କରାଯାଇଛି । ଚଳିତ ବର୍ଷ କୋଭିଡ କଟକଣା ଅନୁଯାୟୀ ସୀମିତ ସଂଖ୍ୟକ ସେବକ ଏବଂ କେବଳ ନୀତି ସହିତ ସମ୍ପୃକ୍ତ ସେବକଙ୍କ RTPCR ଟେଷ୍ଟ ପରେ ସେବକମାନେ ନୀତିରେ ଯୋଗ ଦେବାନେଇ ନିଷ୍ପତ୍ତି ହୋଇଛି ।

ନବ ଯୌବନ ନୀତିର କାର୍ଯ୍ୟସୂଚୀ

ସୁନାବେଶ ଓ ଗରୁଡ ଶୟନ ନୀତିର ନୀତି ନିର୍ଘଣ୍ଟ

ବାହୁଡା ଯାତ୍ରାର ନୀତି ନିର୍ଘଣ୍ଟ

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ