ପୁରୀରେ କୁଇନ୍ସ ବାଟନ ରିଲେ, ବଡଦାଣ୍ଡରେ ସ୍ବାଗତ ଜଣାଇଲା ପ୍ରଶାସନ

ପୁରୀରେ ପହଞ୍ଚିଲା 2022 ରାଜ୍ୟଗୋଷ୍ଠୀ କ୍ରୀଡାର କୁଇନ୍ସ ବାଟନ୍ ରିଲେ । ବଡ଼ଦାଣ୍ଡରେ ପହଞ୍ଚିବା ପରେ ଜିଲ୍ଲା ପ୍ରଶାସନ ପକ୍ଷରୁ ସ୍ୱାଗତ । ଅଧିକ ପଢନ୍ତୁ

ପୁରୀ:ଓଡିଶାରେ 2022 ରାଜ୍ୟଗୋଷ୍ଠୀ କ୍ରୀଡାର କୁଇନ୍ସ ବାଟନ୍ ରିଲେ । ଗତକାଲି ଭୁବନେଶ୍ବରରେ ପହଞ୍ଚିଥିବା ପରେ ଆଜି ପୁରୀରେ ପହଞ୍ଚିଛି କୁଇନ୍ସ ବାଟନ୍ ରିଲେ । ଏନେଇ ପୁରୀ ବଡ଼ଦାଣ୍ଡରେ ପହଞ୍ଚିବା ପରେ ଜିଲ୍ଲା ପ୍ରଶାସନ ପକ୍ଷରୁ ସ୍ୱାଗତ କରାଯାଇଥିଲା। ପୋଲିସ ବ୍ୟାଣ୍ଡର ତାଳେ କୁଇନ୍ସ ବାଟେନକୁ ସ୍ଵାଗତ କରାଯାଇଛି । ତେବେ ଆଜି କୋଣାର୍କ ଯିବାର ମଧ୍ୟ କାର୍ଯ୍ୟକ୍ରମ ରହିଛି । 2022 କମନ ୱେଲଥର କୁଇନ୍ସ ବାଟେନ ରିଲେ ସ୍ୱାଗତ ପାଇଁ ପୁରୀ ସହରର ବହୁ କ୍ରୀଡ଼ାବିତ, ଖେଳାଳି, ବୁଦ୍ଧିଜୀବୀ ଏବଂ କ୍ରୀଡା ପ୍ରେମୀ ଉପସ୍ଥିତ ରହିଥିଲେ।

ପିପିଲି, ସତ୍ୟବାଦୀ, ଚନ୍ଦନପୁର ଅଞ୍ଚଳରେ କ୍ରୀଡ଼ାବିତ ଓ କ୍ରୀଡା ପ୍ରେମୀ ମାନେ ଏହାକୁ ସ୍ୱାଗତ କରିଛନ୍ତି । ଇଂଲଣ୍ଡର ବର୍ମିଂହାମରେ 2022 କମନ ୱେଲଥ ଗେମ ଅନୁଷ୍ଠିତ ହେବ । ଏଥିପାଇଁ କାଉଣ୍ଟ ଡାଉନ ଆରମ୍ଭ ହୋଇଛି । ସାରା ବିଶ୍ୱରେ ପରିଭ୍ରମଣ କରୁଛି କୁଇନ୍ସ ବାଟେନ ରିଲେ । ଏହାକୁ ବିଭିନ୍ନ ସ୍ଥାନରେ ସ୍ୱାଗତ କରାଯାଇଛି। ଏହି କ୍ରମରେ ଆଜି ପୁରୀରେ କୁଇନ୍ସ ବାଟେନକୁ ସ୍ୱାଗତ କରାଯାଇଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ