ପୁରୀ: ରାଜ୍ୟରେ କୋରୋନାର ଦ୍ବିତୀୟ ଲହର କାୟା ବିସ୍ତାର କରିବାରେ ଲାଗିଛି । ସଂକ୍ରମଣକୁ ଦୃଷ୍ଟିରେ ରଖି ଶ୍ରୀମନ୍ଦିର ବାହାର ଓ ଭିତରକୁ ବିଶୋଧନ କରାଯାଇଛି । ପୂର୍ବ ନିଷ୍ପତ୍ତି ଅନୁସାରେ, ଭକ୍ତଙ୍କ ଦର୍ଶନ ବନ୍ଦ କରାଯାଇ ସାନିଟାଇଜ ହୋଇଛି ଶ୍ରୀମନ୍ଦିର ।
ଶ୍ରୀମନ୍ଦିରର ବାହାର ଓ ଭିତରକୁ କରାଗଲା ବିଶୋଧନ
ମନ୍ଦିରକୁ ସାନିଟାଇଜ କରିବାକୁ ଅଗ୍ନିଶମ ବାହିନୀ ଦ୍ବାରା ଶ୍ରୀମନ୍ଦିରର ଚାରିଦ୍ବାର, ଜୋତା ଷ୍ଟାଣ୍ଡ, କିଓସ୍କ , ବ୍ୟାରିକେଡ ଓ ଅନ୍ୟାନ୍ୟ ସ୍ଥାନ ବିଶୋଧନ ହୋଇଛି । ଆସନ୍ତା ମେ’ 15 ତାରିଖ ପର୍ଯ୍ୟନ୍ତ ଶ୍ରୀମନ୍ଦିରକୁ ଶ୍ରଦ୍ଧାଳୁ ଓ ଭକ୍ତଙ୍କ ସୁରକ୍ଷାକୁ ନେଇ ବନ୍ଦ ରଖାଯାଇଛି । ରାଜ୍ୟରେ କୋରୋନା ମାମଲା ବଢୁଥିବାରୁ ଗତକାଲି ଶ୍ରୀମନ୍ଦିର ପ୍ରଶାସନ ନୂଆ ଏସଓପି ଲାଗୁ କରିଛନ୍ତି ।