ଦୁର୍ବ୍ୟବହାର କରି ପୋଲିସ ଏଏସଆଇ ନିଲମ୍ବିତ

ଥାନାକୁ ମାମଲା ଦେବାକୁ ଆସିଥିବା ଜଣେ ଅଭିଯୋଗକାରୀଙ୍କୁ ଦୁର୍ବ୍ୟବହାର କରି ନିଲମ୍ବିତ ହେଲେ ଜଣେ ପୋଲିସ ବାବୁ । ପଢନ୍ତୁ ସମ୍ପୂର୍ଣ୍ଣ ଖବର...

ପୁରୀ: ଦୁର୍ବ୍ୟବହାର କରି ସସପେଣ୍ଡ ହେଲେ ପୋଲିସ ଅଧିକାରୀ। ‘ମୋ ସରକାର’ ଅନ୍ତର୍ଗତ ସବୁ ଥାନାରେ ଏବେ ପୋଲିସ ଅଧିକାରୀ ଉତ୍ତମ ବ୍ୟବହାର ସହିତ ଲୋକଙ୍କୁ ମାମଲା ଦାୟର କରିବାରେ ସାହାଯ୍ୟ କରିବାରୁ ରାଜ୍ୟ ସରକାର ନିର୍ଦେଶ ଦେଇଛନ୍ତି।

ତେବେ ପୁରୀ ସଦର ଥାନା ଏଏସଆଇ ପ୍ରହଲ୍ଲାଦ ବରାଳ କିନ୍ତୁ ଖରାପ ବ୍ୟବହାର କରିଥିବା ଅଭିଯୋଗ ପରେ ନିଲମ୍ବିତ ହୋଇଛନ୍ତି। ଏନେଇ ସୂଚନା ଦେଇଛନ୍ତି ପୁରୀ ଏସପି ଉମାଶଙ୍କର ଦାସ । ଜଣେ ଅଭିଯୋଗ କାରୀ ମୋ ସରକାର ହେଲ୍ପ ଲାଇନ ନମ୍ବରକୁ ଫୋନ କରି ଅଭିଯୋଗ କରିଥିଲେ।

ତେବେ ଘଟଣାର ତଦନ୍ତ କରାଯିବା ପରେ ପୁରୀ ଏସପି କାର୍ଯ୍ୟନୁଷ୍ଠାନ ନେଇଛନ୍ତି। ପ୍ରାଥମିକ ପ୍ରମାଣ ମିଳିବା ପରେ ପୁରୀ ସଦର ଥାନା ଏଏସଆଇଙ୍କୁ ନିଲମ୍ବିତ କରାଯାଇଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ