ପୁରୀ: ଜଗନ୍ନାଥ ଷ୍ଟାଡିୟମର ଉନ୍ନୟନ ମୂଳକ କାର୍ଯ୍ୟ ପାଇଁ ଉଚ୍ଛେଦ । ପୁରୀକୁ ହେରିଟେଜ ସିଟି କରିବା ପାଇଁ ଜୋରସୋରରେ ଚାଲିଛି କାର୍ଯ୍ୟ | ପେଣ୍ଠକଟାରେ ଆରମ୍ଭ ହୋଇଛି ଉଚ୍ଛେଦ କାର୍ଯ୍ୟ ।
ଜଗନ୍ନାଥ ଷ୍ଟାଡିୟମର ଉନ୍ନୟନମୂଳକ କାର୍ଯ୍ୟ ପାଇଁ ଆରମ୍ଭ ହେଲା ଉଚ୍ଛେଦ
ମଙ୍ଗଳବାର ପୁରୀ ପେଣ୍ଠକଟା ଶ୍ରୀଜଗନ୍ନାଥ ଷ୍ଟାଡିଅମକୁ ଲାଗିକରି ଥିବା 35ରୁ ଉର୍ଦ୍ଧ୍ବ ଦୋକାନ ଗୃହ ଗୁଡିକୁ ପୌରସଂସ୍ଥା ପକ୍ଷରୁ ଉଚ୍ଛେଦ କରାଯାଇଛି | ଷ୍ଟାଡିୟମର ଉନ୍ନୟନ ମୂଳକ କାର୍ଯ୍ୟ ପାଇଁ ଏହି ଉଛେଦ କରାଯାଉଛି। ଷ୍ଟାଡିୟମକୁ ଲାଗି ରହିଥିବା ପୁରୁଣା ଦୋକାନ ଘର ଗୁଡିକ ଅସୁରକ୍ଷିତ ଥିବା ଯୁଗ୍ମ ଵୈଷୟକ କମିଟି ତଦନ୍ତ କରି ରିପୋର୍ଟ ଦେବା ପରେ ଏନେଇ ପୁରୀ ପୌରସଂସ୍ଥା କିଛି ଦିନ ତଳେ ଜାରି କରିଥିଲା ନୋଟିସ | ତେବେ ନୋଟିସକୁ ଆଧାର କରି ଆଜି ପେଣ୍ଠକଟାରେ ଥିବା ପୌରସଂସ୍ଥାର ମାର୍କେଟ କମ୍ପ୍ଲେକ୍ସକୁ ଭାଙ୍ଗିଛି ପ୍ରଶାସନ |