ପୁରୀ ଗଣଦୁଷ୍କର୍ମ ମାମଲା; ରିମାଣ୍ଡରେ ଆସିବେ ଅଭିଯୁକ୍ତ

ପୁରୀ ଗଣଦୁଷ୍କର୍ମ ଘଟଣାରେ 2 ଜଣଙ୍କୁ ପୋଲିସ ଗିରଫ କରି କୋର୍ଟଚାଲାଣ କରିଛି । ତେବେ ଏହି ଦୁଇ ଅଭିଯୁକ୍ତକୁ ରିମାଣ୍ଡରେ ଅଣାଯିବ ବୋଲି ପୁରୀ ଏସପି ଉମାଶଙ୍କର ଦାଶ ସୂଚନା ଦେଇଛନ୍ତି।

ପୁରୀ: ରିମାଣ୍ଡରେ ଆସିବେ ପୁରୀ ଗଣଦୁଷ୍କର୍ମ ମାମଲାରେ ଗିରଫ ହୋଇଥିବା ଦୁଇ ଅଭିଯୁକ୍ତ । ଘଟଣାର ଅଧିକ ତଦନ୍ତ କରିବା ପାଇଁ ଅଭିଯୁକ୍ତ ଜିତେନ୍ଦ୍ର ସେଠୀ ଓ ରାଜେଶ ସେଠୀକୁ ରିମାଣ୍ଡରେ ଅଣାଯିବ ବୋଲି ଏସପି ସୂଚନା ଦେଇଛନ୍ତି ।

ଘଟଣାର ଅନ୍ୟ ଦୁଇ ଅଭିଯୁକ୍ତଙ୍କୁ ଗିରଫ ପାଇଁ ପ୍ରୟାସ ଚାଲିଛି । ସେମାନଙ୍କୁ ଗିରଫ ପାଇଁ 4 ଜଣିଆ ଟିମ୍ ଗଠନ କରାଯାଇଛି । ବିଭିନ୍ନ ସ୍ଥାନରେ ଚଢାଉ ଜାରି ରହିବା ଖୁବ୍ଶୀଘ୍ର ସେମାନଙ୍କୁ ଗିରଫ କରାଯିବ ବୋଲି ଏସପି କହିଛନ୍ତି ।

ଅନ୍ୟପଟେ ଅଭିଯୁକ୍ତଙ୍କ ନାମରେ 376 ଦଫା ଓ ପୋକସୋ ଆକ୍ଟ ଲଗାଯାଇ ତଦନ୍ତ କରାଯାଉଛି । ସେହିପରି ପୀଡିତାର ବୟାନ ପୁଣି ରେକର୍ଡ କରାଯାଇ ତଦନ୍ତକୁ ଆହୁରି ଜୋରଦାର କରାଯାଇଛି ବୋଲି ସେ କହିଛନ୍ତି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ