ପୁରୀ: ସହରରେ ଉଚ୍ଛେଦ ପ୍ରକ୍ରିୟାକୁ ନେଇ ଧାରଣା । ଶତାଧିକ ମହିଳା ଓ ପୁରୁଷ ଶ୍ରୀମନ୍ଦିର ସୁରକ୍ଷା ନେଇ ୭୫ମିଟର ଉଚ୍ଛେଦକୁ ନେଇ ଆରମ୍ଭ କରାଯାଇଥିବା ଡିଜିପିଏସ୍ ମାଧ୍ୟମରେ ସର୍ଭେକୁ ବିରୋଧ କରିବା ସହ ରାଜରାସ୍ତାକୁ ଓହ୍ଲାଇଛନ୍ତି ।
ମରିବୁ ପଛେ ଭିଟାମାଟି ଛାଡିବୁ ନାହିଁ,
ଏନେଇ ଆନ୍ଦୋଳନକାରୀ ଗାଣ୍ଡୁଆ ଚଉରା ଛକରେ ଧାରଣାରେ ବସି ପ୍ରତିବାଦ କରୁଥିବା ବେଳେ ବିଧାୟକ ଜୟନ୍ତ ଷଡ଼ଙ୍ଗୀ ସାମିଲ ହୋଇଥିଲେ । ପ୍ରଶାସନର ଏଭଳି ଉଚ୍ଛେଦ ପ୍ରକ୍ରିୟାକୁ ବିରୋଧ କରି ବିଧାୟକଙ୍କ ନେତୃତ୍ବରେ ସେ ଜିଲ୍ଲାପାଳଙ୍କୁ ଭେଟିଛନ୍ତି । ଏପରିକି ବୁଲ ଡୋଜର ଆଗରେ ଜୀବନ ଦେବାକୁ ସେ ପ୍ରସ୍ତୁତ ଥିବା କହିଛନ୍ତି ।
ଗୋଟିଏ ପଟେ ମରିବୁ ପଛେ ଭିଟାମାଟି ଛାଡିବୁ ନାହିଁ ବୋଲି ବିସ୍ଥାପିତ ମହିଳା ଜିଲ୍ଲାପାଳଙ୍କୁ କହିଥିବା ବେଳେ ସେପଟେ ସହମତି ଭିତ୍ତିରେ ଆଲୋଚନା କରି କାର୍ଯ୍ୟ କରାଯିବ ବୋଲି ଜିଲ୍ଲାପାଳ କହିଛନ୍ତି । ଶ୍ରୀମନ୍ଦିର ପଶ୍ଚିମ ପାର୍ଶ୍ବରେ ରହିଥିବା ଶତାଧିକ ମହିଳା ଓ ପୁରୁଷ ଓହ୍ଲାଇଛନ୍ତି ରାଜରାସ୍ତାକୁ ।