ପୁରୀ: ଜାତୀୟ ସ୍ମାରକୀ ପ୍ରାଧିକରଣ ପକ୍ଷରୁ ପୁରୀ ଶ୍ରୀମନ୍ଦିର ପାଇଁ ପ୍ରସ୍ତାବିତ ବାଇ ଲ’ ପ୍ରସଙ୍ଗରେ ପୁରୀ ଜିଲ୍ଲାପାଳ ସମର୍ଥ ବର୍ମା ପ୍ରତିକ୍ରିୟା ଦେଇଛନ୍ତି । ସମସ୍ତ ସେବାୟତ ନିଯୋଗଙ୍କ ସହ ଆଲୋଚନା କରାଯିବ ବୋଲି ଜିଲ୍ଲାପାଳ କହିଛନ୍ତି ।
ଶ୍ରୀମନ୍ଦିର ପାଇଁ ପ୍ରସ୍ତାବିତ ବାଇ ଲ’ ପ୍ରସଙ୍ଗରେ ପୁରୀ ଜିଲ୍ଲାପାଳଙ୍କ ପ୍ରତିକ୍ରିୟା
ଜାତୀୟ ସ୍ମାରକୀ ପ୍ରାଧିକରଣ ପକ୍ଷରୁ ପୁରୀ ଶ୍ରୀମନ୍ଦିର ପାଇଁ ପ୍ରସ୍ତାବିତ ବାଇ ଲ’ ପ୍ରସଙ୍ଗରେ ପୁରୀ ଜିଲ୍ଲାପାଳ ସମର୍ଥ ବର୍ମା ପ୍ରତିକ୍ରିୟା ରଖିଛନ୍ତି । ବର୍ତ୍ତମାନ ପ୍ରସ୍ତାବ ଡ୍ରାଫ୍ଟିଂ ଷ୍ଟେଜ୍ରେ ରହିଛି, ମତାମତ ଦେବା ପାଇଁ ଆମ ପାଖରେ ସମୟ ଅଛି। ଖୁବ ଶୀଘ୍ର ଏନେଇ ଶ୍ରୀମନ୍ଦିର ପ୍ରଶାସନ ମତ ରଖିବ । ବିଭିନ୍ନ ସେବାୟତ ନିଯୋଗର ମଧ୍ୟ ଏନେଇ ମତ ଲୋଡ଼ାଯିବ । ଅଗାମୀ 15 ତାରିଖରେ ଶ୍ରୀମନ୍ଦିର ପରିଚାଳନା କମିଟି ବୈଠକରେ ଏ ନେଇ ଆଲୋଚନା ପରେ ନିଷ୍ପତ୍ତି ନିଆଯିବ। ତେବେ ଜାତୀୟ ସ୍ମାରକୀ ପ୍ରାଧିକରଣ ପକ୍ଷରୁ ଜାରି କରାଯାଇ ଥିବା ନିୟମ ନିଶ୍ଚିତ ଶ୍ରୀମନ୍ଦିର ପାଇଁ ପରିବର୍ତ୍ତନ ହେବ ବୋଲି ଜିଲ୍ଲାପାଳ ସମର୍ଥ ବର୍ମା ଆଶା ରଖିଛନ୍ତି।