ପୁରୀ:ରାତି ପାହିଲେ ସାବିତ୍ରୀ ଅମାବାସ୍ୟା । ଏହି ଦିନ ଶ୍ରୀମନ୍ଦିରରେ ମହାପ୍ରସାଦ ନେବା ପାଇଁ ଭକ୍ତଙ୍କ ବେଶ ଭିଡ଼ ହୋଇଥାଏ । ଏଥିପାଇଁ ଶ୍ରୀମନ୍ଦିରରେ ମହାପ୍ରସାଦ ନେଇ ହେବ ସ୍ବତନ୍ତ୍ର ବ୍ୟବସ୍ଥା ।
ରାତି ପାହିଲେ ସାବିତ୍ରୀ ବ୍ରତ , ଶ୍ରୀମନ୍ଦିରରେ ସ୍ୱତନ୍ତ୍ର ବ୍ୟବସ୍ଥା
ତେବେ କୋଭିଡ ସମୟରେ କିଭଳି ଭକ୍ତଙ୍କ ଗହଳି କମ ରହିବ ଏବଂ ଶୃଙ୍ଖଳିତ ଭାବେ ସମସ୍ତେ ମହାପ୍ରସାଦ ପାଇବେ, ସେ ନେଇ ପ୍ରଶାସନ ପକ୍ଷରୁ ବ୍ୟବସ୍ଥା ହୋଇଛି । ଶ୍ରୀମନ୍ଦିର ଉତ୍ତର ଓ ଦକ୍ଷିଣ ଦ୍ବାରରେ 10 ଟି ଲେଖାଁଏ କାଉଣ୍ଟର ରହିବ । ସେଠାରେ ଲୋକ ଆସି ଟୋକନ କାଟି ମହାପ୍ରସାଦ ନେଇ ପାରିବେ । ପ୍ରବଳ ଗରମ ଓ ଗୁଳୁଗୁଳିକୁ ଦୃଷ୍ଟିରେ ରଖାଯାଇ ଅସ୍ଥାୟୀ ସେଡ଼ ସମେତ ପାନୀୟ ଜଳର ବ୍ୟବସ୍ଥା ରହିଛି । ସେହିପରି ପାର୍କିଂ ପାଇଁ ସ୍ଥାନ ଚିହ୍ନଟ କରାଯାଇଛି ।