ନାମାଙ୍କନ ପତ୍ର ଦାଖଲ କଲେ ପ୍ରସାଦ ହରିଚନ୍ଦନ

କଂଗ୍ରେସ ତରଫରୁ ପ୍ରାର୍ଥୀ ଭାବେ ନାମାଙ୍କନ ପତ୍ର ଦାଖଲ କରିଛନ୍ତି ପିସିସିର ପୂର୍ବତନ ସଭାପତି ପ୍ରସାଦ ହରିଚନ୍ଦନ । ସତ୍ୟବାଦୀ ନିର୍ବାଚନ ମଣ୍ଡଳୀରୁ ନାମାଙ୍କନ ଦାଖଲ କରିଛନ୍ତି ପ୍ରସାଦ ହରିଚନ୍ଦନ ।

ପୁରୀ: କଂଗ୍ରେସ ତରଫରୁ ପ୍ରାର୍ଥୀ ଭାବେ ନାମାଙ୍କନ ପତ୍ର ଦାଖଲ କରିଛନ୍ତି ପିସିସିର ପୂର୍ବତନ ସଭାପତି ପ୍ରସାଦ ହରିଚନ୍ଦନ । ସତ୍ୟବାଦୀ ନିର୍ବାଚନ ମଣ୍ଡଳୀରୁ ନାମାଙ୍କନ ଦାଖଲ କରିଛନ୍ତି ପ୍ରସାଦ ହରିଚନ୍ଦନ ।

ମଙ୍ଗଳବାର ପୁରୀ ଅତିରିକ୍ତ ଜିଲ୍ଲାପାଳଙ୍କ ନିକଟରେ ପ୍ରାର୍ଥୀପତ୍ର ଦାଖଲ କରିଛନ୍ତି ପ୍ରସାଦ ହରିଚନ୍ଦନ। ପ୍ରସାଦ ସତ୍ୟବାଦୀକୁ ଏକ ବାଇକ ରାଲିରେ ଆସି ପୁରୀରେ ପହଞ୍ଚିଥିଲେ।

ତେବେ ଚଳିତ ନିର୍ବାଚନରେ କଂଗ୍ରେସ ବିପୁଳ ବିଜୟ ହାସଲ କରିବା ନେଇ ଦୃଢୋକ୍ତି ପ୍ରକାଶ କରିଛନ୍ତି ପ୍ରସାଦ ହରିଚନ୍ଦନ ।

ନିର୍ବାଚନରେ ଜିତିଲେ ଯୁବକଙ୍କୁ ନିଯୁକ୍ତି, ମହିଳାଙ୍କ ସୁରକ୍ଷା,ଚାଷୀ ପାଇଁ ଋଣ ଛାଡ଼ , ଶିକ୍ଷା, ସ୍ବାସ୍ଥ୍ୟ ଆଦି ପ୍ରମୁଖ ସମସ୍ୟାର ସମାଧାନ କରିବା ପାଇଁ କହିଛନ୍ତି ପ୍ରସାଦ ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ