ନିଶା କାରବାର ନେଇ ପୋଲିସର ଚଢାଉ, 2 କୋରେକ୍ସ ବେପାରୀ ଗିରଫ

ଆକ୍ସନ ମୁଡରେ ପୁରୀ ପୋଲିସ । ବେଆଇନ କୋରେକ୍ସ ବିକ୍ରି ଉପରେ ଚଢାଉ କରି 2 ଗିରଫ । ଅଧିକ ପଢନ୍ତୁ...

ପୁରୀ:ନିଶା ବେପାରୀଙ୍କ ଉପରେ କାର୍ଯ୍ୟାନୁଷ୍ଠାନ ଜାରି ରଖିଛି ପୁରୀ ପୋଲିସ । ପୁରୀରେ ବେଆଇନ କୋରେକ୍ସ ବିକ୍ରି ଉପରେ ଚଢ଼ାଉ ଜାରି ରଖିଛି ପୋଲିସ । କୋରେକ୍ସ ବିକ୍ରି ନେଇ ପୁରୀ ଟାଉନ ଥାନା ପୋଲିସ 2 ଯୁବକଙ୍କୁ ଗିରଫ କରିଛି । ଗିରଫ ଦୁଇ ଅଭିଯୁକ୍ତ ହେଲେ ପୁରୀ କୁମ୍ଭାରପଡାର ସୌମ୍ୟ ରଞ୍ଜନ ମଲ୍ଲିକ ଓ ସୁଦୀପ ଦାସ ।

ଜଗନ୍ନାଥ ବଲ୍ଲଭରେ ଚଢ଼ାଉ କରାଯାଇ 25ଟି corex ବୋତଲ, ଗୋଟିଏ ବୁଲେଟ ମୋଟର ସାଇକେଲ, 3ଟି ମୋବାଇଲ ଫୋନ ଅଭିଯୁକ୍ତଙ୍କ ଠାରୁ ପୋଲିସ ଜବତ କରିଛି । ପୁରୀ ସହରରେ ବେଆଇନ ନିଶା କାରବାର ତଥା କୋରେକ୍ସ ବିକ୍ରି ଉପରେ ପୋଲିସ ପକ୍ଷରୁ ଚଢ଼ାଉ ଜାରି ରହିଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ