ପୁରୀ: ସ୍ନାନବେଦୀରେ ୧୦୮ ଗରା ଜଳରେ ସ୍ନାନପରେ ଜ୍ୱରରେ ପଡିବେ ମହାପ୍ରଭୁ । ୧୫ଦିନ ଧରି ଅଣସର ପିଣ୍ଡିରେ ଚତୁର୍ଦ୍ଧା ବିଗ୍ରହଙ୍କ କରାଯିବ ଗୁପ୍ତସେବା । ଏହି ସମୟରେ ମନ୍ଦିରରେ ମନ୍ତ୍ରୋଚାରଣ ଓ ଅନ୍ୟାନ୍ୟ ନୀତିକାନ୍ତି ବନ୍ଦ ରହେ । ତେବେ ଏତିକିବେଳେ ମହାପ୍ରଭୁଙ୍କ ସ୍ଥାନରେ ପୂଜା ପାଇଥାନ୍ତି ପଟି ଦିଅଁ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ଅଣସର ବେଳେ ବଳଭଦ୍ରଙ୍କ ସ୍ଥାନରେ ଅନନ୍ତ ବାସୁଦେବ, ସୁଭଦ୍ରାଙ୍କ ସ୍ଥାନରେ ମା ଭୂବନେଶ୍ୱରୀ, ଜଗନ୍ନାଥଙ୍କ ସ୍ଥାନରେ ଅନନ୍ତ ନାରାୟଣ ଏବଂ ସୁଦର୍ଶନଙ୍କ ସ୍ଥାନରେ ପତିତପାବନଙ୍କୁ ପୂଜା କରାଯାଇଥାଏ । ଚିତ୍ରକର ସେବାୟତଙ୍କ ଦ୍ୱାରା ଏହି ପଟି ଦିଅଁଙ୍କ ପ୍ରସ୍ତୁତି ଏବେ ଶେଷ ପର୍ଯ୍ୟାୟରେ । ଏହି ସବୁ ପଟିଚିତ୍ରକୁ ଚିତ୍ରକର ସେବାୟତ ମାନେ ନିଜ ଘରେ ପ୍ରସ୍ତୁତ କରିଥାନ୍ତି । ସ୍ନାନ ପୂର୍ଣ୍ଣୀମା ଦିନ ଚିତ୍ରକରଙ୍କ ଘରୁ ଘଣ୍ଟ ଘଣ୍ଟା କାହାଳୀ ସହ ପଟି ଦିଅଁଙ୍କୁ ଶ୍ରୀମନ୍ଦିରକୁ ବିଜେ କରାଯାଇଥାଏ ।