ପୁରୀ: ଆଜି ସ୍ବାମୀ ବିବେକାନନ୍ଦଙ୍କ ଜୟନ୍ତୀ ତଥା ରାଷ୍ଟ୍ରୀୟ ଯୁବ ଦିବସ । ଏହି ଅବସରରେ ବାଲୁକା କଳାରେ ଚିତ୍ର କରି ଯୁବବର୍ଗଙ୍କୁ ଶୁଭେଚ୍ଛା ବାର୍ତ୍ତା ଦେଇଛନ୍ତି ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ଏନେଇ ସେ ଟ୍ବିଟ ମଧ୍ୟ କରିଛନ୍ତି ।
ପୁରୀ ବେଳାଭୂମିରେ ସୁଦର୍ଶନ ଏକ ସୁନ୍ଦର ବାଲୁକା କଳା ଗଢିଛନ୍ତି । ସେଥିରେ ସେ ବିବେକାନନ୍ଦଙ୍କ ପ୍ରତିମୂର୍ତ୍ତି କରିଛନ୍ତି । ଏହା ସହ ସେ ଯୁବପୀଢିଙ୍କ ପାଇଁ ଏକ ବାର୍ତ୍ତା ଦେଇଛନ୍ତି । ନ୍ୟୁ ଇଣ୍ଡିଆକୁ ଆହ୍ବାନ କରୁଛି ଯୁବବର୍ଗ । ଏହା ସହ ଭାରତର ଯୁବବର୍ଗ ସ୍ବାମୀ ବିବେକାନନ୍ଦଙ୍କ ଜୀବନ ଶୈଳୀକୁ ଅନୁସରଣ କରିବାକୁ ସୁଦର୍ଶନ ତାଙ୍କ ବାଲୁକା ଚିତ୍ରରେ ବାର୍ତ୍ତା ଦେଇଛନ୍ତି ।
ରାଷ୍ଟ୍ରୀୟ ଯୁବ ଦିବସରେ ସୁଦର୍ଶନଙ୍କ ବାଲୁକା କଳା