ପୁରୀ: ଉତ୍ତର ପ୍ରଦେଶର ଅଦିନିଆ ରଥଯାତ୍ରାକୁ ନେଇ ବଢୁଛି ବିବାଦ। ଏହି ରଥଯାତ୍ରାକୁ ବିଭିନ୍ନ ମହଲରେ ବିରୋଧ କରାଯିବା ସହ ଜଗନ୍ନାଥ ସେନା ପକ୍ଷରୁ ଏନେଇ ପୁରୀ ସିଂହ ଦ୍ବାର ଥାନାରେ ଏତଲା ଦିଆଯାଇଛି । ତେବେ ଆସନ୍ତା 29 ତାରିଖରେ ଉତ୍ତର ପ୍ରଦେଶର ଗାଜିଆବାଦରେ ଶ୍ରୀମଦ ନାରଦୀୟ ଭଗବତ ନିକୁଞ୍ଜ ଟ୍ରଷ୍ଟ ପକ୍ଷରୁ ଏହି ରଥଯାତ୍ରା ଅନୁଷ୍ଠିତ ହେବ।
ଉତ୍ତରପ୍ରଦେଶର ଅଦିନିଆ ରଥଯାତ୍ରାକୁ ବିରୋଧ,ସିଂହଦ୍ବାର ଥାନାରେ ଏତଲା
ଏହି ରଥଯାତ୍ରା ମହାପ୍ରଭୁଙ୍କ ପରମ୍ପରା, ସଂସ୍କୃତି ଓ ନିୟମ ଭଙ୍ଗ କରୁଛି । ଏନେଇ ଉକ୍ତ ସଂଗଠନ ବିରୋଧରେ କଡା କାର୍ଯ୍ୟନୁଷ୍ଠାନ ଦାବି କରିଛି ଜଗନ୍ନାଥ ସେନା । ସେନା କହିଛି ଯେ ପ୍ରତ୍ୟେକ ଧର୍ମରେ ବିଭିନ୍ନ ଯାନୀଯାତ୍ରା ପାଳନ ପାଇଁ ନିର୍ଦ୍ଧିଷ୍ଟ ତିଥି ଓ ତାରିଖ ରହିଛି । ଏହାକୁ ଉଲ୍ଲଙ୍ଘନ କରାଗଲେ ଧର୍ମ ପାଇଁ କୁଠାର ଘାତ ବୋଲି ସେନା କହିଛି।