ପୁରୀ: ପବିତ୍ର ଅକ୍ଷୟ ତୃତୀୟାରେ ମହାପ୍ରଭୁଙ୍କ ଘୋଷଯାତ୍ରା ପାଇଁ ତିନି ରଥର ନିର୍ମାଣ କାର୍ଯ୍ୟ ବିଧି ଶୁଭାରମ୍ଭ ହୋଇଛି। ତେବେ ଏଥର କୋରୋନା ମହାମାରୀ ଭୟ ଓ ଲକ ଡାଉନ କଟକଣା ଯୋଗୁ ପରମ୍ପରା ବ୍ୟତିକ୍ରମ ହୋଇଥିବାବେଳେ ରଥ ନିର୍ମାଣ କାର୍ଯ୍ୟ ଶ୍ରୀମନ୍ଦିର ପରିସରରେ ହୋଇଛି। ଫଳରେ ରଥଖଳା ଖାଁ ଖାଁ ପଡିଛି । ସେପଟେ ବୌଦ୍ଧ ବନଖଣ୍ଡରୁ ରଥ ନିର୍ମାଣ ପାଇଁ କାଠ ଆସିଥିବା ଦେଖିବାକୁ ମିଳିଛି ।
ନବମ ପର୍ଯ୍ୟାୟରେ ଆସିଲା ରଥ କାଠ, ଖାଁ ଖାଁ ରଥ ଖଳା
ଏହି ସମୟରେ ତିନି ରଥର ତୁମ୍ଭ ଓ ଚକ ନିର୍ମାଣ ନେଇ ରଥଖଳା ଚଳଚଞ୍ଚଳ ହେବା କଥା। କିନ୍ତୁ ଲକ୍ଡାଉନ୍ ସବୁକିଛି ବଦଳାଇଦେଇଛି । କୋରୋନାକୁ ଦୃଷ୍ଟିରେ ରଖି ରଥଯାତ୍ରା ଆଶା ଆଶଙ୍କାରେ ଥିବାବେଳେ ରଥ ନିର୍ମାଣ ଲାଗି ରଥ କାଠ ଆସିବାରେ ଲାଗିଛି ।