ବ୍ରହ୍ମଗିରି:ପୋଲିସକୁ ଲୁଟେରାଙ୍କ ଖୋଲା ଚ୍ୟାଲେଞ୍ଜ । ଦିବାଲୋକରେ ଲୁଟ୍ କରି ଆତଙ୍କ ଖେଳାଉଛନ୍ତି ଲୁଟେରା । ତାହା ପୁଣି ଜଣେ ପୋଲିସ କର୍ମଚାରୀଙ୍କ ଠାରୁ । ପୋଲିସ କର୍ମଚାରୀଙ୍କ ମୁଣ୍ତରେ ବନ୍ଧୁକ ଲଗାଇ ଲୁଟିଛନ୍ତି ୧୦ ଲକ୍ଷ ଟଙ୍କା । ବ୍ରହ୍ମଗିରି ବଜାରରୁ ମାତ୍ର ୫୦୦ ମିଟର ଦୂରରେ ଘଟିଛି ଏଭଳି ଘଟଣା । ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଲୁଟର ଶିକାର ହୋଇଥିବା ବ୍ୟକ୍ତି ଜଣକ ହେଲେ ରାକେଶ କୁମାର ସାହୁ।
ଲୁଟେରାଙ୍କ ଖୋଲା ଚ୍ୟାଲେଞ୍ଚ,ପୋଲିସ କର୍ମଚାରୀଙ୍କ ମୁଣ୍ତରେ ବନ୍ଧୁକ ଲଗାଇ ନେଇଗଲେ ୧୦ ଲକ୍ଷ କ’ଣ ଥିଲା ପୁରା ଘଟଣା...
ପୁରୀ ଜିଲ୍ଲାର ବ୍ରହ୍ମଗିରି ଥାନା ଅନ୍ତର୍ଗତ ସାହଜନପୁର ଗାଁର ରାକେଶ କୁମାର ସାହୁ ଯେ କି ପୋଲିସ କର୍ମଚାରୀ ଭାବେ କାର୍ଯ୍ୟ କରନ୍ତି । ସେ ଶନିବାର ପ୍ରାୟ ସାଢେ ଏଗାରଟା ସମୟରେ ବ୍ରହ୍ମଗିରି ଷ୍ଟେଟ ବ୍ୟାଙ୍କରୁ ପ୍ରାୟ ଦଶ ଲକ୍ଷ ଟଙ୍କା ଉଠାଇ ବ୍ରହ୍ମଗିରି ଗାଁର ଜଣେ ସମ୍ପର୍କୀୟଙ୍କୁ ଦେବା ପାଇଁ ଯାଉଥିଲେ । ଏହି ସମୟରେ ବ୍ରହ୍ମଗିରି ଗାଁ ରାସ୍ତା ସବରେଜିଷ୍ଟର କାର୍ଯ୍ୟାଳୟ ନିକଟରେ ଦୁଇ ଜଣ ଯୁବକ ହଠାତ୍ ଆସି ତାଙ୍କ ମୁଣ୍ଡରେ ବନ୍ଧୁକ ଲଗାଇ ତାଙ୍କ ଠାରୁ ଟଙ୍କା ଲୁଟି ନେଇଥିଲେ।
ଏହାବି ପଢନ୍ତୁ :ଲୁଟେରା ମହିଳାଙ୍କୁ ଲିପ୍ଟଦେଇ ଫସିଲେ ଟାକ୍ସି ଡ୍ରାଇଭର, ବିବାହିତା ଥାଇ ବିବାହକଲେ ସବୁ ଲୁଟିନେଲେ
ଏନେଇ ସେ ବ୍ରହ୍ମଗିରି ଥାନାରେ ଜଣାଇବା ଅଭିଯୋଗ କରିଥିଲା । ପୋଲିସ ରାକେଶଙ୍କୁ ଧରି ବିଭିନ୍ନ ସ୍ଥାନକୁ ଯାଇ ତଦନ୍ତ କରିବା ସହ ଘଟଣାର ଅନୁସନ୍ଧାନ ଜାରି ରଖିଛି । ଦିବାଲୋକରେ କିପରି ଜଣେ ପୋଲିସ କର୍ମଚାରୀଙ୍କ ମୁଣ୍ଡରେ ବନ୍ଧୁକ ଲଗାଇ ପ୍ରାୟ ଦଶ ଲକ୍ଷ ଟଙ୍କା ଲୁଟି ନେଇଛନ୍ତି ଲୁଟେରା । ତାହା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ପୋଲିସ ବିଭିନ୍ନ ସ୍ଥାନରେ ଚଢାଉ କରି ଲୋକଙ୍କୁ ପଚରା ଉଚରା ଜାରି ରଖିଛି । ପୁରୀ ସଦର ଏସଡିପିଓ ଘଟଣା ସ୍ଥଳରେ ପହଞ୍ଚି ଅନୁସନ୍ଧାନ କରୁଛନ୍ତି । ପୁରୀ ସଦର ଏସଡିପିଓଙ୍କ ସୂଚନା ଅନୁସାରେ କୌଣସି ଲିଖିତ ଅଭିଯୋଗ ହୋଇ ନାହିଁ । ପୋଲିସ ସିସିଟିଭି ଆଧାରରେ ତଦନ୍ତ କରୁଛି ।
ଦୁଇ ଜଣ ଯୁବକ କେବେଳ ଏ ଲୁଟରେ ସାମିଲ ଅଛନ୍ତି ନା ଆଉ କେଉଁ ଗ୍ୟାଙ୍ଗର ସମ୍ପୃକ୍ତି ରହିଛି । ସେନେଇ ପୋଲିସ ଛାନ ଭିନ କରୁଛି । ତେବେ, ଏଠାରେ ପ୍ରଶ୍ନ ଉଠୁଛି ଯଦି ଦିନ ଦ୍ବି ପ୍ରହରରେ ପୋଲିସ କର୍ମଚାରୀଙ୍କ ଠାରୁ ଲୁଟ ହେଉଛି ତେବେ ସାଧାରଣ ଲୋକେ ଏଠି କେତେ ସୁରକ୍ଷିତ ? ବନ୍ଧୁକ ମୁନରେ ଲୁଟ ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳି ଯାଇଛି । ପୋଲିସର ପାଟ୍ରୋଲିଂକୁ ଜୋରଦାର କରିବାକୁ ବିଭିନ୍ନ ମହଲରେ ଦାବି ହୋଇଛି ।
ଇଟିଭି ଭାରତ,ପୁରୀ
