Election Violence: ଅଶାନ୍ତ ପିପିଲି, କଂଗ୍ରେସ କ୍ୟାମ୍ପ ପୋଡିଦେଲେ ଦୁର୍ବୃତ୍ତ

ପୌର ନିର୍ବାଚନ ପାଇଁ ଆଉ ମାତ୍ର କେଇଟା ଦିନ ଥିବାବେଳେ ଆଶାନ୍ତ ହୋଇଛି ପିପିଲି । ବିଳମ୍ବିତ ରାତିରେ କଂଗ୍ରେସର କ୍ୟାମ୍ପ ପୋଡି ଦେଲେ ଦୁର୍ବୃତ୍ତ । ଅଧିକ ପଢନ୍ତୁ

ପୁରୀ:ପିପିଲିରେ ରାଜନୈତିକ ହିଂସା। ପିପିଲିରେ ଥିବା କଂଗ୍ରେସ କ୍ୟାମ୍ପ ପୋଡିଦେଲେ ଦୁର୍ବୃତ୍ତ । ପୌର ନିର୍ବାଚନ ପାଇଁ ଆଉ ମାତ୍ର କେଇଟା ଦିନ ଥିବା ବେଳେ ଅଶାନ୍ତ ହୋଇଛି ପିପିଲି । ଆକ୍ରୋଶର ଶିକାର ହୋଇ କଂଗ୍ରେସ କ୍ୟାମ୍ପରେ ନିଆଁ ଲଗାଇ ଦେଇଥିବା ଅଭିଯୋଗ ହୋଇଛି ।

ସୂଚନା ଅନୁଯାୟୀ ପିପିଲି NAC 7 ନମ୍ବର ୱାର୍ଡ ଭିତରେ ରହିଛି କଂଗ୍ରେସର ଏହି କ୍ୟାମ୍ପ । କଂଗ୍ରେସର ଅଧ୍ୟକ୍ଷ ପ୍ରାର୍ଥୀ ଗୁଣନିଧି ପ୍ରଧାନ କ୍ୟାମ୍ପ କରିଥିବା ବେଳେ ଗତକାଲି ବିଳମ୍ବିତ ରାତିରେ କେହି ଦୁର୍ବୃତ୍ତ ନିଆଁ ଲଗାଇ ଦେଇଥିଲେ । ଏହି ଘଟଣା ଜଣାପଡିବା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିଲା ।

ଏନେଇ ଖବର ପାଇ ପିପିଲି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଉତ୍ତେଜନା କାରଣରୁ ପରିସ୍ଥିତିରେ କଡା ନଜର ରଖାଯାଇଛି। ଅନ୍ୟପଟେ ଅଭିଯୁକ୍ତକୁ ତୁରନ୍ତ ଗିରଫ କରିବାକୁ କଂଗ୍ରେସ ଦାବି କରିଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ