ପୁରୀ:ଜନ୍ମବେଦୀ ଗୁଣ୍ଡିଚା ମନ୍ଦିର ଆଡ଼ପ ମଣ୍ଡପରେ ଚତୁର୍ଦ୍ଧା ବିଗ୍ରହ । ଆଜି ରଥାରୁଢ଼ ଶ୍ରୀବିଗ୍ରହଙ୍କ ସମସ୍ତ ନୀତିକାନ୍ତି ରଥ ଉପରେ ଅନୁଷ୍ଠିତ ହୋଇଛି । ସନ୍ଧ୍ୟାଧୂପ ପରେ ଗୋଟି ପହଣ୍ଡିରେ ମହାପ୍ରଭୁ ଜନ୍ମବେଦୀକୁ ଯାଇଛନ୍ତି । ରାତ୍ର ୯ ଟା ସୁଦ୍ଧା ଚତୁର୍ଦ୍ଧା ବିଗ୍ରହ ଆଡପମଣ୍ଡପରେ ବିଜେ କରିଛନ୍ତି ।
ମହାପ୍ରଭୁଙ୍କ ଆଡପ ମଣ୍ଡପ ବିଜେ
ହେଲେ ବର୍ଷାରେ ଭିଜିଛନ୍ତି ପ୍ରଭୁ ବଳଭଦ୍ର । ମହାପ୍ରଭୁ ଶ୍ରୀ ଜଗନ୍ନାଥଙ୍କ ପହଣ୍ଡି ସମୟରେ ମଧ୍ୟ ବର୍ଷା ହୋଇଥିଲା । ଏହା ପ୍ରଭୁଙ୍କ ଅଲୌକିକତା ବୋଲି ଆଲୋଚନା ଚାଲିଛି । ମହାପ୍ରଭୁଙ୍କ ପହଣ୍ଡି ପରେ ନନ୍ଦିଘୋଷ ରଥ ଠାରୁ ଗୁଣ୍ଡିଚା ମନ୍ଦିର ସିଂହଦ୍ୱାର ଯାଏଁ ପାଦଚିହ୍ନ ପଡିବା ଭଳି ଦୃଶ୍ୟ ଦେଖିବାକୁ ମିଳିଥିଲା । ଆଜି ଅନୁକୂଳ ପାଗ ମଧ୍ୟରେ ଚାରମାଳ ବନ୍ଧା ଯିବା ପରେ ମୁଦିରସ୍ତଙ୍କ ଦ୍ୱାରା ପୁଷ୍ପାଞ୍ଜଳି ହୋଇଥିଲା । ଶ୍ରୀମସ୍ତକରେ ସୁସଜ୍ଜିତ ଟାହିଆ ଲାଗି ପରେ ପତିମହାପାତ୍ରଙ୍କ ଦ୍ୱାରା ବନ୍ଦାପନା ଓ ଘଷାଜଳ ନୀତି ସମ୍ପନ୍ନ ହୋଇଥିଲା ।