ପୁରୀ: ଶ୍ରୀମନ୍ଦିର ସମ୍ମୁଖରେ ଗୁଳିକାଣ୍ଡ ଘଟଣା । ସେବାୟତ ଶିବରାମ ପାତ୍ର ହତ୍ୟାକାଣ୍ଡ ମାମଲା ନେଇ 3 ଜଣଙ୍କୁ ଅଟକ ରଖିଲା ପୋଲିସ। ପାରିବାରିକ ବିବାଦକୁ ନେଇ ହତ୍ୟାକାଣ୍ଡ ହୋଇଥିବା ପ୍ରାଥମିକ ତଦନ୍ତରୁ ସୂଚନା ମିଳିଛି।
ସେବାୟତ ଶିବରାମ ହତ୍ୟା ଘଟଣା: ପାରିବାରିକ କଳହରୁ ହତ୍ୟାକାଣ୍ଡ
ପୁରୀ ଲୋକନାଥ ମନ୍ଦିରର ସେବାୟତ ଶିବ ରାମ ପାତ୍ରଙ୍କ ହତ୍ୟାକାଣ୍ଡ ନେଇ ରୁଜୁ ହୋଇଥିବା ଏତଲାକୁ ଆଧାର କରି ତିନି ଜଣଙ୍କୁ ପୋଲିସ ଅଟକ ରଖିଛି । ମୁଖ୍ୟ ଅଭିଯୁକ୍ତ ଚନ୍ଦନ ବାରିକକୁ ହତ୍ୟାକାଣ୍ଡର କାରଣ ନେଇ ପଚରା ଉଚରା କରୁଛି । ପାରିବାରିକ ବିବାଦ ନେଇ ହତ୍ୟାକାଣ୍ଡ ହୋଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି ବୋଲି ପୁରୀ ଏସପି କହିଛନ୍ତି । ସେପଟେ ଧାର୍ମିକ ନଗରୀ ସହରରେ ପୁରୀ ଗୁଳିକାଣ୍ଡ ଘଟଣା ବଢି ଚାଲିଥିବା ବେଳେ ଚୋରା ବନ୍ଧୁକ କାରବାର ବଢିବାରେ ଲାଗିଛି ।