ପୁରୀ: ପବିତ୍ର କାର୍ତ୍ତିକ ପୂର୍ଣ୍ଣିମା ଅବସରରେ କୋଣାର୍କ ଚନ୍ଦ୍ରଭାଗା ଠାରେ ପ୍ରତିବର୍ଷ ପରି ଏବର୍ଷ ବହୁ ଆଡ଼ମ୍ବରରେ ବୋଇତ ଉତ୍ସବ ପାଳନ କରାଯାଇଛି। ଉତ୍ସବକୁୃ ଉଦଘାଟନ କରିଛନ୍ତି କ୍ରୀଡ଼ାମନ୍ତ୍ରୀ ତୁଷାରକାନ୍ତି ବେହେରା।
କୋଣାର୍କରେ ବୋଇତ ବନ୍ଦାଣ,ସମ୍ବଲପୁରୀ ନୃତ୍ୟୁରେ ଝୁମିଲେ ବିଦେଶୀ ପର୍ଯ୍ୟଟକ
ଚନ୍ଦ୍ରଭାଗା ଠାରେ ମଙ୍ଗଳବାର 25ତମ ବୋଇତ ବନ୍ଦାଣ ସୂର୍ଯ୍ୟ ପୂଜା 6.15ରେ ଆୟୋଜିତ ହୋଇଥିଲା। ପରମ୍ପରା ଅନୁଯାୟୀ ଓଡିଶାର ସାଧବ ପୁଅ ଭଳି ବେଶରେ କଳାକାର ମାନେ ଆସିଥିଲେ। ଏହି ସଭାରେ ସମ୍ବଲପୁରୀ ନୃତ୍ୟ, ଦେଶାତ୍ମବୋଧକ ସଙ୍ଗୀତ ଓ ଭଜନ ସମାରୋହ କାର୍ଯ୍ୟକ୍ରମକୁ ଉପଭୋଗ କରିଛନ୍ତି ଶତାଧିକ ବିଦେଶୀ ପର୍ଯ୍ୟଟକ।
ପୂର୍ବରୁ ସାଧବ ପୁଅମାନେ ବୋଇତ ମାଧ୍ୟମରେ ବିଦେଶକୁ ଓଡ଼ିଶାର ଖଣିଜ ପଦାର୍ଥ ତଥା ଝୁଣା,ଲାଖ,ରତ୍ନପଥର ରୁଦ୍ରାକ୍ଷ ଜିନିଷ ନେଇ ଜାଭା, ସୁମିତ୍ରା, ବାଲି ,ମାଲାୟାଲାମ ଆଦି ଦେଶକୁ ବାଣିଜ୍ୟ କରିବାକୁ ଯାଇଥାନ୍ତି l