ପୁରୀ: ଏଣିକି ଶ୍ରୀଗୁଣ୍ଡିଚା ମନ୍ଦିରରେ ନିଶୁଳ୍କ ଦର୍ଶନ କରିବେ ଭକ୍ତ। ମନ୍ଦିର ଭିରତରୁ ଯିବା ପାଇଁ ଆଉ ଦେବାକୁ ପଡ଼ିବନି କୌଣସି ପ୍ରବେଶ ଶୁଳ୍କ। ଭକ୍ତଙ୍କ ପାଇଁ ନିଶୁଳ୍କ ସେବା ଓ ଦର୍ଶନକ ବ୍ୟବସ୍ଥା କରିବାକୁ ପରିଚାଳନା କମିଟି ନିଷ୍ପତି ନେଇଥିଲା। ପରିଚାଳନା ବୈଠକରେ ଅନୁଯାୟୀ ଆଜି(ଶୁକ୍ରବାର) ଏହି ନିଷ୍ପତ୍ତି ନେଇଛି ଶ୍ରୀମନ୍ଦିର ପ୍ରଶାସନ।
ଛାଡ଼ ହେଲା ଗୁଣ୍ଡିଚା ମନ୍ଦିର ପ୍ରବେଶ ଶୁଳ୍କ
ଶ୍ରୀଗୁଣ୍ଡିଚା ମନ୍ଦିରରେ ଭକ୍ତଙ୍କ ପ୍ରବେଶ ପାଇଁ ପୂର୍ବରୁ ୨୦ ଟଙ୍କା ଲେଖାଏଁ ପ୍ରବେଶ ଶୁଳ୍କ ନେଉଥିଲେ ନିଲାମଧାରୀ । ତେବେ ଚଳିତ ବର୍ଷ ମାହାଲଗୁଡ଼ିକର ନିଲାମ ବନ୍ଦ କରାଯାଇଛି। ଖାଲି ଗୁଣ୍ଡିଚା ମନ୍ଦିର ନୁହେଁ, ନରେନ୍ଦ୍ର ପୁଷ୍ମରଣୀ, ରୋହିଣୀ କୁଣ୍ଡ, ଶ୍ରୀମନ୍ଦିର ମହାଲକ୍ଷ୍ମୀ ଭଣ୍ଡାର ରୋଷ ଦର୍ଶନୀ ମାହାଲ, ନୀଳାଚଳ ଉପବନ ଓ କୋଇଲି ବୈକୁଣ୍ଠ ଆଦି ମାହାଲଗୁଡିକର ନିଲାମ ବନ୍ଦ କରାଯାଇଛି । ଏହି ପଦକ୍ଷେପ ଦ୍ବାରା ଭକ୍ତମାନେ ସୁବିଧା ନିଶୁଳ୍କ ଦର୍ଶନ କରି ପାରିବେ ବୋଲି କହିଛନ୍ତି ଶ୍ରୀମନ୍ଦିର ଉନ୍ନୟନ ପ୍ରଶାସକ।