ଡ୍ରେସ ଗୋଦାମ ଘରେ ଅଗ୍ନିକାଣ୍ଡ, ଲକ୍ଷାଧିକ ଟଙ୍କାର ଲୁଗା ଜଳି ପାଉଁଶ

ପୁରୀ ଟାଉନଥାନା ସ୍ଥିତ ହାଡ଼ଗୋଡ଼ିଆ ସାହିରେ ଭୋର ପ୍ରାୟ ୩ଟା ସମୟରେ ଏହି ଅଗ୍ନିକାଣ୍ଡ ଘଟିଛି । ଏକ ଡ୍ରେସ ଗୋଦାମ ଘରେ ନିଆଁ ଲାଗିଯିବାରୁ ଲକ୍ଷାଧିକ ଟଙ୍କାର ଡ୍ରେସ ଓ ଲୁଗାପଟା ଜଳି ପାଉଁଶ ହୋଇଯାଇଛି । ଅଧିକ ପଢନ୍ତୁ...

ପୁରୀ: ଡ୍ରେସ ଗୋଦାମ ଘରେ ବଡ ଧରଣର ଅଗ୍ନିକାଣ୍ଡ । ପୁରୀ ଟାଉନଥାନା ସ୍ଥିତ ହାଡ଼ଗୋଡ଼ିଆ ସାହିରେ ଭୋର ପ୍ରାୟ ୩ଟା ସମୟରେ ଏହି ଅଗ୍ନିକାଣ୍ଡ ଘଟିଛି।

ସ୍ଥାନୀୟ ଲୋକଙ୍କ ସୂଚନା ମୁତାବକ ଗୋବିନ୍ଦ ଚନ୍ଦ୍ର ସାହୁଙ୍କ ଘରେ ଅଗ୍ନିକାଣ୍ଡ ଘଟିଛି। ନିଆଁ ଲାଗିବାର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନଥିବା ବେଳେ ସର୍ଟ ସର୍କିଟ ଯୋଗୁଁ ଏଭଳି ଘଟିଥାଇ ପାରେ ବୋଲି ଅନୁମାନ କରାଯାଉଛି।

ତେବେ ସ୍ଥାନୀୟ ଲୋକେ ୧୧୨କୁ ଯୋଗାଯୋଗ କରିବା ପରେ ଘଟଣାସ୍ଥଳରେ ଅଗ୍ନିଶମ ବିଭାଗ ଅଧିକାରୀ ମାନେ ପହଁଞ୍ଚି ନିଆଁକୁ ଆୟତ୍ତ କରିବା ପାଇଁ ପ୍ରୟାସ ଜାରି ରଖିଛନ୍ତି।

ଅଗ୍ନିକାଣ୍ତରେ ଗୋବିନ୍ଦଙ୍କ ଘର ସହ ଡ୍ରେସ ଗୋଦାମ ଘରେ ନିଆଁ ଲାଗିଯିବାରୁ ଲକ୍ଷାଧିକ ଟଙ୍କାର ଡ୍ରେସ ଓ ଲୁଗାପଟା ଜଳି ପାଉଁଶ ହୋଇଯାଇଛି।

ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ