ପୁରୀ: ମହାମାରୀକୁ ଦୃଷ୍ଟିରେ ରଖି ରଥଯାତ୍ରା ପାଇଁ ପୁରୀରେ କର୍ଫ୍ୟୁ ଲାଗିଥିଲା । ଏପରିକି ବଡ଼ଦାଣ୍ଡର ଉଭୟ ପାର୍ଶ୍ବରେ ଥିବା ଘର ଛାତ ଉପରୁ ରଥଯାତ୍ରା ଦେଖିବା ଉପରେ ମଧ୍ୟ ରୋକ୍ ଲଗାଯାଇଥିଲା । ହେଲେ କଟକଣାକୁ ଉଲ୍ଲଙ୍ଘନ କରି ଅନେକ ବ୍ୟକ୍ତି ତଥା ଅଣସେବାୟତ ମହାପ୍ରଭୁଙ୍କ ରଥ ଟାଣିବା ସହ ଛାତ ଉପରୁ ରଥଯାତ୍ରା ଦେଖିଛନ୍ତି । ଯାହାକୁ ବିରୋଧ କରି ନିୟମ ଖିଲାପକାରୀଙ୍କ ବିରୁଦ୍ଧରେ ଏତଲା ଦିଆଯାଇଛି । ପୁରୀ ଜିଲ୍ଲା ଯୁବ ଅଧିବକ୍ତା ସଙ୍ଘ ଦୋଷୀଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଦାବିରେ ସିଂହଦ୍ବାର ଥାନାରେ ଏହି ଏତଲା ଦାୟର କରିଛି । ଏଥିସହ ପୋଲିସ ଏ ଦିଗରେ କାର୍ଯ୍ୟାନୁଷ୍ଠାନ ନ ନେଲେ ଆଗାମୀ ଦିନରେ ଜୋରଦାର ଆନ୍ଦୋଳନ କରାଯିବା ସଙ୍ଗେ ସଙ୍ଗେ ସୁପ୍ରିମକୋର୍ଟକୁ ମାମଲା ଯିବ ବୋଲି ସଙ୍ଘ ଚେତାବନୀ ଦେଇଛି ।
କଟକଣା ଖିଲାପ କରି ରଥଯାତ୍ରା ଦେଖିବା ପ୍ରସଙ୍ଗ, ଦୋଷୀଙ୍କ ବିରୁଦ୍ଧରେ ଏତଲା