ପୁରୀ: ଶ୍ରୀକ୍ଷେତ୍ରକୁ ବିଶ୍ବ ଐତିହ୍ୟର ମାନ୍ୟତା ଦେବା ଲକ୍ଷ୍ୟରେ ଆଗେଇ ଚାଲିଛି ଉଚ୍ଛେଦ ପ୍ରକ୍ରିୟା । ଗୋଟିଏ ପରେ ଗୋଟିଏ ମଠକୁ ଭାଙ୍ଗିବାରେ ସଫଳ ହୋଇଛି ପ୍ରଶାସନ । ଏମାର ମଠ, ଲଙ୍ଗୁଳି ମଠ ଉଚ୍ଛେଦ ହେବା ପରେ ବଡ ଆଖଡା ମଠକୁ ଉଚ୍ଛେଦ କରାଯାଇଛି । ମଠ ମହନ୍ତଙ୍କ ବିରୋଧ ସତ୍ତ୍ବେ ଏବେ ମାଟିରେ ମିଶିଛି ବଡ ଆଖଡା ମଠ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ଗତ କିଛି ଦିନ ଧରି ମଠ ମହନ୍ତଙ୍କ ବିରୋଧ ଯୋଗୁଁ ବନ୍ଦ ରହିଥିଲା ମଠ ଉଚ୍ଛେଦ ପ୍ରକ୍ରିୟା । କିନ୍ତୁ ଆମିକସ କ୍ୟୁରିଙ୍କ ଗ୍ରୀନ ସିଗନାଲ ମିଳିବା ପରେ ଆଖଡା ମଠ ଭଙ୍ଗା ଯାଇଛି । ଏପରିକି ମଠର ମହନ୍ତ ଓ ଅନୁଗାମୀ ଉଚ୍ଛେଦ ପ୍ରକ୍ରିୟାରେ ସହଯୋଗ କରିଥିଲେ । ଏହା ସହ ଏଠାରେ ଥିବା ବହୁ ଦୋକାନ ଘର ମଧ୍ୟ ଭଙ୍ଗିଦିଆଯାଇଛି ।