ପୁରୀ:ଟାଟା କମ୍ପାନୀର ମିଟର ଦୁର୍ନୀତିକୁ ନେଇ ରାଜରାସ୍ତାକୁ ଓହ୍ଲାଇଲେ ବିଦ୍ୟୁତ ଉପଭୋକ୍ତା । ତେବେ ସହରର ଉପଭୋକ୍ତାଙ୍କ ଘରେ ଟାଟା ପାୱାର ପକ୍ଷରୁ ଲଗାଯାଇଥିବା ମିଟରରେ ବ୍ୟାପକ ଅନିୟମିତତା ଅଭିଯୋଗ ହୋଇଛି । ଏନେଇ ବିଦ୍ୟୁତ ଉପଭୋକ୍ତାଙ୍କୁ ଏବେ ଅତ୍ୟାଧିକ ବିଦ୍ୟୁତ ବିଲ୍ ଦେବାକୁ ବାଧ୍ୟ କରାଯାଉଥିବା ବେଳେ ସେମାନଙ୍କୁ ବେଆଇନ ଭାବେ ମିଟର ପରିବର୍ତ୍ତନ କରିବାକୁ ବାଧ୍ୟ କରାଯାଉଥିବା ନେଇ ଅଭିଯୋଗ କରିଛନ୍ତି ସହରର ଉପଭୋକ୍ତା ।
ମିଟର ଦୁର୍ନୀତିକୁ ନେଇ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରିଲେ ବିଦ୍ୟୁତ ଉପଭୋକ୍ତା
ଖାଲି ଏତିକି ନୁହଁ ଉପଭୋକ୍ତାଙ୍କ ଘରେ ପଶି କର୍ମଚାରୀମାନେ ବେଆଇନ ଭାବେ ଜୋର ଜବରଦସ୍ତ ବିଦ୍ୟୁତ ସଂଯୋଗ ମଧ୍ୟ ବିଛିନ୍ନ କରି ଦେଉଛନ୍ତି । ସେପଟେ ଉପଭୋକ୍ତାଙ୍କୁ ଶୋଷଣ ଅଭିଯୋଗ ପ୍ରତିବାଦରେ ଉପଭୋକ୍ତା ମାନଙ୍କ ତରଫରୁ ଏକ ପ୍ରତିନିଧି ଦଳ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଓ ପ୍ରତିବାଦ କରିବା ସହ ଏଭଳି ବେଆଇନ କାର୍ଯ୍ୟର ପ୍ରତିବାଦ କରିଛନ୍ତି ।