ପୁରୀ: ରାଜ୍ୟରେ ଧର୍ମାନୁଷ୍ଠାନରେ ଭକ୍ତଙ୍କ ପ୍ରବେଶ ହେବ କି ନାହିଁ ସେ ନେଇ ରାଜ୍ୟ ସରକାରଙ୍କ ଉପରେ ଦାୟିତ୍ବ ନ୍ୟସ୍ତ କରିଛନ୍ତି ଓଡିଶା ହାଇକୋର୍ଟ । ଏକ ମାମଲାର ଶୁଣାଣି କରି ହାଇକୋର୍ଟ ଏହି ନିର୍ଦ୍ଦେଶ ଦେଇଛନ୍ତି । ତେବେ ରାଜ୍ୟ ସରକାର ଏ ନେଇ ଚୂଡାନ୍ତ ନିଷ୍ପତ୍ତି ନେବେ ବୋଲି ହାଇକୋର୍ଟ ମତ ରଖିଛନ୍ତି । ତେବେ ଏହି ପ୍ରସଙ୍ଗ ପୁଣି ଶ୍ରୀମନ୍ଦିରରେ ଭକ୍ତଙ୍କ ପ୍ରବେଶକୁ ନେଇ ଦାବି ଜୋର ଧରିଛି।
ବିକଳ ହେଲାଣି ଭକ୍ତଙ୍କ ମନ; ଗାଇଡ ଲାଇନ ମାନି ଶ୍ରୀମନ୍ଦିରକୁ ପ୍ରବେଶ ପାଇଁ ଦାବି
ବିଶେଷ କରି ପୁରୀ ସହର ଅର୍ଥନୀତି ଭକ୍ତ ଓ ଯାତ୍ରୀଙ୍କ ଆଗମନ ଉପରେ ନିର୍ଭରଶୀଳ। ଦୀର୍ଘ 5 ମାସ ହେବ ଭକ୍ତଙ୍କ ଶ୍ରୀମନ୍ଦିର କଟକଣା ଫଳରେ ପୁରୀ ସହର ଭକ୍ତ ଶୂନ୍ୟ ରହିଛି। ଫଳରେ ଶ୍ରୀମନ୍ଦିରର ସେବାୟତ ଙ୍କ ଠାରୁ ଆରମ୍ଭ କରି ବିଭିନ୍ନ ବ୍ୟବସାୟୀ , ଉଠା ଦୋକାନୀ , ହୋଟେଲ ବ୍ୟବସାୟ ବ୍ୟାପକ ପ୍ରଭାବିତ ହୋଇଛି। ସେହିପରି ଜଗନ୍ନାଥ ପ୍ରେମୀ ମାନେ ମହାପ୍ରଭୁଙ୍କ ଦର୍ଶନ ମଧ୍ୟ ମାସ ମାସ ହେବ ପାଇନାହାଁନ୍ତି ।