ପୁରୀ: ଚଳିତ ବର୍ଷ ମହାପ୍ରଭୁଙ୍କ ରଥଯାତ୍ରା ଅୟୋଜନ ହେବକି ନାହିଁ ରାଜ୍ୟ ସରକାର ଏଯାଏଁ କିଛି ସ୍ପଷ୍ଟ କରିନାହାନ୍ତି । କୋରୋନା ମହାମାରୀରେ କିଭଳି ରଥଯାତ୍ରା ଅୟୋଜନ ହେବ ଏନେଇ ଚିନ୍ତରେ ରହିଛନ୍ତି ସରକାର । ଅନ୍ୟପକ୍ଷେ କିନ୍ତୁ ବିନା ଭକ୍ତରେ ସାମାଜିକ ଦୂରତ୍ବ ରଖାଯାଇ ରଥଯାତ୍ରା ଅୟୋଜନ ନେଇ ଦଇତାପତି ନିଯୋଗ ସରକାରଙ୍କୁ ପୂର୍ବରୁ ଅବଗତ କରିସାରିଛି। ହେଲେ ପୂନର୍ବାର ରଥଯାତ୍ରା ଆୟୋଜନ ନେଇ ରାଜ୍ୟ ସରକାରଙ୍କ ସ୍ପଷ୍ଟୀକରଣ ଦାବି କରିଛି ଦଇତାପତି ନିଯୋଗ ।
ଆଶଙ୍କାରେ ରଥଯାତ୍ରା, ସରକାରଙ୍କ ସ୍ପଷ୍ଟୀକରଣ ଦାବି କଲା ଦଇତପତି ନିଯୋଗ
ଆସନ୍ତା ଜୁନ 22 ତାରିଖ ଯାଏଁ ଶ୍ରୀମନ୍ଦିରର ସମସ୍ତ ନୀତିକାନ୍ତି ନେଇ ନୀତି ନିର୍ଘଣ୍ଟ ଚୂଡାନ୍ତ ହୋଇ ସରିଛି । ଜୁନ 23ରେ ରଥଯାତ୍ରା ପଡୁଥିବା ବେଳେ ସରକାର କିନ୍ତୁ ଏନେଇ କୌଣସି ନିଷ୍ପତ୍ତି ନେଇ ନହାନ୍ତି । ଫଳରେ ରଥଯାତ୍ରା ଅୟୋଜନ ହେବ କି ନାହିଁ ଏନେଇ ସନ୍ଦେହ ପ୍ରକାଶ କରିଛି ଦଇତାପତି ନିଯୋଗ ।