ପୁରୀ:ଶ୍ରୀମନ୍ଦିରରେ ଦିନକୁ ଦିନ ସେବାୟତଙ୍କ କୋଭିଡ ଆକ୍ରାନ୍ତ ସଂଖ୍ୟା ବଢିବାରେ ଲାଗିଛି। ଶ୍ରୀମନ୍ଦିରରେ ମୋଟ ୧୪୨ ଜଣ କୋଭିଡ ପଜିଟିଭ ଚିହ୍ନଟ ହୋଇଛନ୍ତି।
ଶ୍ରୀମନ୍ଦିର ସେବାୟତଙ୍କ ଭିତରେ ବଢ଼ୁଛି କୋଭିଡ ସଂକ୍ରମଣ
ଶ୍ରୀମନ୍ଦିରରେ ବର୍ତ୍ତମାନ ସୁଦ୍ଧା ୬୩ଜଣ ସେବାୟତ ଓ ତାଙ୍କ ପରିବାରର ୩୩ଜଣଙ୍କୁ ମିଶାଇ ମୋଟ ୯୬ଜଣ କୋରୋନା ଆକ୍ରାନ୍ତ ହୋଇଛନ୍ତି। ଶ୍ରୀମନ୍ଦିର ପ୍ରଶାସନ ଓ ଜୋତାଷ୍ଟାଣ୍ଡ କର୍ମଚାରୀଙ୍କୁ ମିଶାଇ ମୋଟ ୧୪୨ ଜଣ କୋଭିଡ ପଜିଟିଭ ଚିହ୍ନଟ ହୋଇଛନ୍ତି।ସେମାନଙ୍କ ଭିତରୁ ୭୦ଜଣ ସୁସ୍ଥ ହୋଇଥିବାବେଳେ ଅବଶିଷ୍ଟ ୭୦ଜଣ ହୋମ ଆଇସୋଲେସନ ଓ ନୀଳାଚଳ କୋଭିଡ କେୟାର ହୋମରେ ରହିଛନ୍ତି।ସେବାୟତଙ୍କ ଟୀକାକରଣ ପାଇଁ ଦୋଳମଣ୍ଡପ ସାହିସ୍ଥିତ ବୈକୁଣ୍ଠଧାମରେ ଆଉ ଏକ ଟୀକାକରଣ କେନ୍ଦ୍ର ଖୋଲାଯାଇଛି।ଇତିମଧ୍ୟରେ ୪୫ବର୍ଷରୁ ଉର୍ଦ୍ଧ୍ବ ୧୯୯୦ଜଣ ସେବାୟତଙ୍କୁ ପ୍ରଥମ ପର୍ଯ୍ୟାୟ ଓ ୫୭୮ଜଣକୁ ଦ୍ଵିତୀୟ ପର୍ଯ୍ୟାୟ ଟୀକା ଦିଆସରିଛି।