ପୁରୀ: କଟକଣା ସତ୍ତ୍ବେ ପୁରୀ ଗୁଣ୍ଡିଚା ମନ୍ଦିରରେ ପ୍ରବେଶ କଲେ ଭକ୍ତ । ଗୁଣ୍ଡିଚା ମନ୍ଦିରରେ ଢିଲା ସୁରକ୍ଷା ବ୍ୟବସ୍ଥାର ସୁଯୋଗ ନେଇ କିଛି ବାହାର ରାଜ୍ୟର ବ୍ୟକ୍ତି ଆଜି (ମଙ୍ଗଳବାର) ମନ୍ଦିରରେ ବେଆଇନ ପ୍ରବେଶ କରିଥିବା ଘଟଣା ସାମ୍ନାକୁ ଆସିଛି । କୋଭିଡ କଟକଣା ଯୋଗୁଁ ମନ୍ଦିରରେ ଭକ୍ତଙ୍କ ପ୍ରବେଶ ନିଷେଦ୍ଧ ଥିବା ବେଳେ ସମ୍ପୃକ୍ତ ବ୍ୟକ୍ତି କିଭଳି ଭିତରେ ପ୍ରବେଶ କଲେ ସେନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
କୋଭିଡ କଟକଣାକୁ ଫୁ ! ଗୁଣ୍ଡିଚା ମନ୍ଦିରରେ ପଶିଲେ ରାଜ୍ୟ ବାହାର ଭକ୍ତ
ସୂଚନାଯୋଗ୍ୟ, ଆଜି ଜଣେ ପୁରୁଷ ଓ ଜଣେ ମହିଳାଙ୍କ ସମେତ ପୋଲିସ ପୋଷାକ ପିନ୍ଧିଥିବା ବାହାର ରାଜ୍ୟରେ ଦୁଇ ପୋଲିସ କର୍ମୀ ଗୁଣ୍ଡିଚା ମନ୍ଦିରରେ ପ୍ରବେଶ କରିଥିଲେ । ତେବେ ସେମାନେ କିଏ ଏବଂ କେଉଁଠୁ ଆସିଛନ୍ତି ସେ ବିଷୟରେ ଖାକି ପିନ୍ଧା ପୋଲିସ କର୍ମଚାରୀଙ୍କୁ ପଚାରିବାରୁ ସେ ମନ୍ଦିରକୁ ପ୍ରବେଶ କରିନଥିବା କହିଥିଲେ । ଏପରିକି ସେ କେଉଁଠୁ ଆସିଛନ୍ତି ଏବଂ କେଉଁ ରାଜ୍ୟର, ସେନେଇ କିଛି ଉତ୍ତର ରଖି ନଥିଲେ ।