ପୁରୀ: କୋରୋନା ଯୋଦ୍ଧାଙ୍କୁ ଖାଦ୍ୟ ବଦଳରେ ମିଳୁଛି ଅଖାଦ୍ୟ । ପୁରୀ କୋଭିଡ କେୟାର ସେଣ୍ଟରରେ କୋରୋନା ଯୋଦ୍ଧା ଓ ଆକ୍ରାନ୍ତଙ୍କ ଖାଦ୍ୟରୁ ବାହାରୁଛି ଚୁଟି, ରବର ଓ ପୋକ । ଅତି ନିମ୍ନମାନର ଖାଦ୍ୟ ଦିଆଯାଉଥିବା ନେଇ ପୁରୀର ଏକାଧିକ କୋଭିଡ କେୟାର ସେଣ୍ଟରର ଡାକ୍ତର, ନର୍ସ ଓ ଅନ୍ୟାନ୍ୟ ସ୍ବାସ୍ଥ୍ୟକର୍ମୀ ଅଭିଯୋଗ ଆଣିଛନ୍ତି ।
କୋରୋନା ଯୋଦ୍ଧାଙ୍କୁ ମିଳୁଛି ନିମ୍ନମାନର ଖାଦ୍ୟ: ବାହାରୁଛି ପୋକ ଓ ରବର - କୋଭିଡ କେୟାର
ପୁରୀର ବିଭିନ୍ନ କୋଭିଡ କେୟାର ହସ୍ପିଟାଲରେ ନିମ୍ନମାନର ଖାଦ୍ୟ ମିଳୁଥିବା ନେଇ ଡାକ୍ତର, ନର୍ସ ଓ ସ୍ବାସ୍ଥ୍ୟକର୍ମୀମାନେ ଅଭିଯୋଗ କରିଛନ୍ତି ।
କୋରୋନା ଯୋଦ୍ଧାଙ୍କୁ ମିଳୁଛି ନିମ୍ନମାନର ଖାଦ୍ୟ
ସେଣ୍ଟରରେ ଦିଆଯାଉଥିବା ଭାତ, ଡାଲି ଓ ତରକାରୀରୁ ପୋକ ବାହାରୁଥିବାରୁ ଏଭଳି ନିମ୍ନମାନର ଖାଦ୍ୟ ପାଇଁ ପ୍ରଶ୍ନ ଉଠାଇଛନ୍ତି । ଏନେଇ ଡାକ୍ତର, ନର୍ସ ଓ ସ୍ବାସ୍ଥ୍ୟକର୍ମୀ ଲିଖିତ ଅଭିଯୋଗ ଆଣିଛନ୍ତି । ପୁରୀର ଶ୍ରୀଜଗନ୍ନାଥ କୋଭିଡ୍ କେୟାର ସେଣ୍ଟର, ଗୋପବନ୍ଧୁ ଆୟୁର୍ବେଦ କୋଭିଡ୍ କେୟାର ସେଣ୍ଟର ଓ ଆଇଡିଏଚ କୋଭିଡ୍ ସେଣ୍ଟରରେ କୋଭିଡ ଯୋଦ୍ଧା ଓ ଆକ୍ରାନ୍ତମାନଙ୍କୁ ଏପରି ଖାଦ୍ୟ ଦିଆଯାଉଥିବା ଅଭିଯୋଗ ହୋଇଛି। ଏହାସହିତ କୋଭିଡ କେୟାର ସେଣ୍ଟର ନାନାଦି ପ୍ରକାର ଅସୁବିଧା ନେଇ ମଧ୍ୟ ସିଡିଏମଓଙ୍କୁ ଅଭିଯୋଗ କରାଯାଇଛି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ