ପୁରୀ: କୋରୋନା ଲାଗି ଦେଶସାରା ଲକ୍ଡାଉନ୍ । ଆଉ ଏହାର ପ୍ରଭାବ ମଧ୍ୟ କୃଷି ଉପରେ ପଡିଛି । ପୁରୀର କାକଟପୁର, ଅସ୍ତରଙ୍ଗ ଅଞ୍ଚଳରେ ପାନ ଚାଷ କରିଥିବା ହଜାର ହଜାର ଚାଷୀ ଏବେ ମାନସିକ ଚିନ୍ତାରେ । କୋରୋନା କଟକଣା ପରେ ସବୁ ବଜାର ଓ ଗାଡି ମଟର ବନ୍ଦ । ଫଳରେ ପାନ ବିକ୍ରି କରି ନପାରି ହଜାର ହଜାର ପାନ ଚାଷୀ ହତାଶ ହୋଇ ପଡିଛନ୍ତି ।
କୋରୋନା ଲକ୍ଡାଉନ୍: ଚିନ୍ତାରେ ପାନ ଚାଷୀ
ପାନ ବିକ୍ରି ନ ହେଲେ କିଭଳି ରୋଜଗାର ହେବ, କିଭଳି ହାତ ଉଧାର ଆଣିଥିବା ଟଙ୍କା ସୁଜିବେ ଓ ପରିବାର କିଭଳି ପ୍ରତିପୋଷଣ କରିବେ ସେନେଇ ଚାଷୀ ଏବେ ଚିନ୍ତାରେ । ଗତ ମେ ମାସରେ ଫୋନି ବାତ୍ୟା ଯୋଗୁଁ ଅନେକ କ୍ଷୟକ୍ଷତି ସମ୍ମୁଖୀନ ହୋଇଥିଲେ ପୁରୀର ଏହି ପାନ ଚାଷୀ । ବର୍ଷେ ନ ପୁରୁଣୁ ପୁଣି ମହାମାରୀ କୋରୋନା କଟକଣା ସବୁ କିଛି ଉଜାଡି ଦେଇଛି ।