ବାହୁଡା ପୂର୍ବରୁ ଅଘଟଣ, ଚିରିଲା ଦେବଦଳନ ରଥକନା

ବାହୁଡା ଯାତ୍ରା ନେଇ ପ୍ରଶାସନ ପ୍ରସ୍ତୁତ । ରଥକୁ ଦକ୍ଷିଣ ମୋଡ଼ ମଧ୍ୟ କରାଯାଇଛି । ହେଲେ ଦେବୀ ସୁଭଦ୍ରାଙ୍କ ଦେବଦଳନ ରଥରେ ଲାଗିଥିବା କପଡା ଚିରି ଯାଇଥିବା ଦେଖିବାକୁ ମିଳିଛି । ଯାହାକୁ ନେଇ ଭକ୍ତ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି ।

ପୁରୀ: ବାହୁଡା ଯାତ୍ରା ପୂର୍ବରୁ ଅଘଟଣ । ଚିରିଲା ଦେବୀ ସୁଭଦ୍ରାଙ୍କ ଦର୍ପଦଳନ ରଥର କନା । ରଥକୁ ଦକ୍ଷିଣ ମୋଡ କରାଯିବା ବେଳେ ଏହି ଘଟଣା ସାମ୍ନାକୁ ଆସିଛି । ଯାହାକୁ ନେଇ ଭକ୍ତ ମହଲରେ ଉଦବେଗ ପ୍ରକାଶ ପାଇଛି । ଏପଟେ କିନ୍ତୁ ସୋମବାର ସନ୍ଧ୍ୟାରୁ ରଥକନା ଚିରିଥିବା ନେଇ କହିଛନ୍ତି ଭକ୍ତ ।

ଗୋଟେ ପଟେ ରଥ କନା କିପରି ଚିରିଲା ତାକୁ ନେଇ ନାନା ପ୍ରଶ୍ନବାଚୀ ସୃଷ୍ଟି ହୋଇଛି । ପ୍ରବଳ ବେଗରେ ପବନ ଯୋଗୁଁ ରଥକନା ଚିରି ଥିବା ନେଇ ଆଶଙ୍କା କରାଯାଉଛି । ଏନେଇ ରଥ ତତ୍ତ୍ବଧାରକଙ୍କ ସହ ଆଲୋଚନା ହୋଇଛି । ଖୁବଶୀଘ୍ର ଦର୍ପଦଳନ ରଥର କପଡା ବ୍ୟବସ୍ଥା କରାଯିବ ବୋଲି ଶ୍ରୀମନ୍ଦିର ନୀତି ପ୍ରଶାସକ କହିଛନ୍ତି ।

ଏପଟେ ଶରଧା ବାଲିରେ ତିନି ରଥ ଛୁଇଁବା ନେଇ ଶ୍ରୀମନ୍ଦିର ପ୍ରଶାସନ ଅନୁମତି ଭକ୍ତ ପାଇଁ ଦେଇଛି । ତେବେ ଦୁର୍ଭାଗ୍ୟର ବିଷୟ ଦେବୀ ସୁଭଦ୍ରାଙ୍କ ଦର୍ପଦଳନ ରଥ ବ୍ୟାରିକେଡ ବହୁ ଦୂରତାରେ ରହିଛି । ଫଳରେ ଭକ୍ତ ମାନେ ଦର୍ପଦଳନ ରଥ ଛୁଇଁବାରୁ ବଞ୍ଚିତ ହେଉଥିବା ଅଭିଯୋଗ ହୋଇଥିଲା । ଏନେଇ ଦର୍ପଦଳନ ରଥ ନିକଟରେ ବ୍ୟାରିକେଡ କରିବାକୁ ପୋଲିସ ସହିତ ଆଲୋଚନା କରାଯାଇ ରଥ ଛୁଇଁବା ନେଇ ବ୍ୟବସ୍ଥା କରାଯିବ ବୋଲି ମଧ୍ୟ ଶ୍ରୀମନ୍ଦିର ନୀତି ପ୍ରଶାସକ କହିଛନ୍ତି।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ