ପୁରୀ: କୁସୁନୁଖୁଣ୍ଟିଆ ଅଞ୍ଚଳରେ ଦୁର୍ବୃତ୍ତମାନେ ଦାଦାବଟି ମାଗିବା ସହିତ ମାରଣାସ୍ତ୍ର ଧରି ଆତଙ୍କରାଜ କରିଥିବା ହୋଇଛି ଅଭିଯୋଗ । ଦାଦାବଟି ସାଙ୍ଗକୁ ବୋମାମାଡ଼ ଘଟଣାରେ ପୋଲିସ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି ।
ପୋଲିସର ସୂଚନା ଅନୁଯାୟୀ 13 ତାରିଖ ରାତି 3 ଟା 30ରେ ଟାଉନ ଥାନା ଅନ୍ତର୍ଗତ ଚକ୍ରକୋଟ ଲେନର ବୈଦ୍ୟନାଥ ମହାସୁଆରଙ୍କ ଘର ଉପରେ ହୋଇଥିଲା ବୋମାମାଡ଼ । ଅଭିଯୁକ୍ତ ଓ ତାର କିଛି ସାଥୀ ପୂର୍ଵ ଶତ୍ରୁତାକୁ ନେଇ ହତ୍ୟା କରିବା ଉଦ୍ଦେଶ୍ୟରେ ବୋମାମାଡ଼ କରିଥିଲେ । ତେବେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ କରିବା ସହ ଅଭିଯୁକ୍ତକୁ ଗିରଫ କରିଥିଲେ । ଅଭିଯୁକ୍ତ ଠାରୁ ଅଫୁଟା ବୋମା ମଧ୍ୟ ଉଦ୍ଧାର କରିଥିଲେ।