ପୁରୀ : ବଳଙ୍ଗା ଥାନା ବିସ୍ଫୋରଣ ମାମଲାରେ ଏସଏସଆଇ ନିଲମ୍ବିତ । ତେବେ ପ୍ରାଥମିକ ଭାବେ ବଳଙ୍ଗା ଥାନା ଏଏସଆଇ ତଅପୋଇ ନାୟକଙ୍କୁ କର୍ତ୍ତବ୍ୟରେ ଅବହେଳା ଅଭିଯୋଗରେ ନିଲମ୍ବିତ କରାଯାଇଛି। ପୁରୀ ଏସପି କେ ବିଶାଳ ସିଂ ନିଲମ୍ବିତ କରିଥିବା ସୂଚନା ଦିଆଯାଇଛି।
ବଳଙ୍ଗା ଥାନା ବିସ୍ଫୋରଣ ମାମଲାରେ ଉଚ୍ଚସ୍ତରୀୟ ତଦନ୍ତ ଚାଲୁ ରହିଛି। ବଳଙ୍ଗା ଥାନା ମାଲଖାନା ଦାୟିତ୍ବରେ ଥିଲେ ଏଏସଆଇ ତଅପୋଇ ନାୟକ । ଗତ ସୋମବାର ବିଳମ୍ବିତ ରାତିରେ ବଳଙ୍ଗା ଥାନାରେ ଏକ ଶକ୍ତିଶାଳୀ ବିସ୍ଫୋରଣ ଘଟି ଥାନାର ଛାତ, କାନ୍ଥ ଭୁଶୁଡି ପଡିଥିଲା । ତେବେ ମାଲଖାନାରେ କିଛି ଜବତ ହୋଇଥିବା ବାଣରେ ବିସ୍ଫୋରଣ ଘଟିଥିବା ପ୍ରାଥମିକ ତଦନ୍ତରୁ ଜଣାପଡିଛି।