ବିନା ଭକ୍ତରେ ସମ୍ପନ୍ନ ହେଲା ବାହୁଡା ଯାତ୍ରା । ସିଂହଦ୍ବାର ଆଗରେ ଲାଗିଛନ୍ତି ତିନି ରଥ ।
18:47 July 20
ବାହୁଡା ଯାତ୍ରା ସମ୍ପନ୍ନ
17:33 July 20
ଲକ୍ଷ୍ମୀ-ନାରାୟଣ ଭେଟ ସମ୍ପନ୍ନ
ନନ୍ଦିଘୋଷ ନିକଟରେ ଲକ୍ଷ୍ମୀ-ନାରାୟଣ ଭେଟ ସମ୍ପନ୍ନ ହେଲା । ମହାପ୍ରଭୁଙ୍କ ଠାରୁ ମିଳିଲା ଅଧର ଚୁମ୍ବିତ ମାଳ । ରଥରେ ନ ନେଇ ଥିବାରୁ ଅଭିମାନ କରିଥିଲେ ଚଞ୍ଚଳା ।
16:39 July 20
ସିଂହଦ୍ବାରରେ ଲାଗିଲା ଦର୍ପଦଳନ ରଥ
ଶ୍ରୀମନ୍ଦିର ସିଂହଦ୍ବାରରେ ଲାଗିଲା ମା ସୁଭଦ୍ରାଙ୍କ ଦର୍ପଦଳନ ରଥ ।
16:33 July 20
ମାର୍କେଟ ଛକରେ ପହଞ୍ଚିଲା ନନ୍ଦିଘୋଷ
ପୁରୀ ମାର୍କେଟ ଛକରେ ପହଞ୍ଚିଲା ମହାପ୍ରଭୁଙ୍କ ନନ୍ଦିଘୋଷ ରଥ । ମରିଚକୋଟ ଛକ ପାଖରେ ପହଞ୍ଚିଛି ଦର୍ପଦଳ ରଥ ।
16:15 July 20
ସିଂହଦ୍ବାରରେ ପହଞ୍ଚିଲା ତାଳଧ୍ବଜ
ସିଂହଦ୍ବାର ନିକଟରେ ପହଞ୍ଚିଲା ପ୍ରଭୁ ବଳଭଦ୍ରଙ୍କ ତାଳଧ୍ବଜ ରଥ ।
16:09 July 20
ମହାପ୍ରଭୁଙ୍କ ପାଖରେ ଲାଗି ହେଲା ପୋଡ ପିଠା ଭୋଗ
ମହାପ୍ରଭୁଙ୍କ ପାଖରେ ଲାଗି ହେଲା ପୋଡ ପିଠା ଭୋଗ
ଶ୍ରୀମନ୍ଦିର ପ୍ରତ୍ୟାବର୍ତ୍ତନ ମାର୍ଗରେ, ମାଉସୀମା ମନ୍ଦିର ଠାରେ ରଥାରୁଢ଼ ଦିଅଁଙ୍କୁ ପୋଡ ପିଠା ଭୋଗ ଲାଗି ହୋଇଛି ।
14:57 July 20
ଆରମ୍ଭ ହେଲା ରଥଟଣା, ଶ୍ରୀମନ୍ଦିର ଅଭିମୁଖେ ମହାବାହୁ
ଅତ୍ୟନ୍ତ ଭକ୍ତିମୟ ପରିବେଶରେ ଜଗତକୁ ଆହ୍ଲାଦିତ କରି ବଡ଼ ଦାଣ୍ଡରେ ମହାପ୍ରଭୁଙ୍କ ନନ୍ଦିଘୋଷ ରଥ ଟଣା ଆରମ୍ଭ ହୋଇଛି । ତିନି ରଥ ଶ୍ରୀମନ୍ଦିର ଅଭିମୁଖେ ଆଗେଇ ଚାଲିଛନ୍ତି ।
14:08 July 20
ରଥଟଣା ସମୟର କିଛି ଦୃଶ୍ଯ...
ଶ୍ରୀଜିଉଙ୍କ ତିନିରଥଙ୍କୁ ଟାଣିନେଉଛନ୍ତି ସେବାୟତ । ଘର ଘର ନାଦରେ କମ୍ପି ଉଠୁଛି ବଡଦାଣ୍ଡ ।
13:45 July 20
ଗଡିଲା ତିନିରଥ
ଶ୍ରୀମନ୍ଦିର ଅଭିମୁଖେ ତିନିରଥ । ସେବାୟତ ଟାଣୁଛନ୍ତି ରଥ । ଦେଖନ୍ତୁ ସେହି ସମୟର ଦୃଶ୍ୟ ।
13:22 July 20
କାଳିଆ ଠାକୁରଙ୍କ ରଥଟଣା ଆରମ୍ଭ
ବଡଦାଣ୍ଡ ଅଭିମୁଖେ ବାହାରିଲା ତିନି ରଥ । ପ୍ରଥମେ ତାଳଧ୍ବଜ ରଥ ପରେ ଦେବଦଳନ ଆଉ ଏବେ ଟଣା ହେଲା ନନ୍ଦିଘୋଷ ରଥ ।
12:49 July 20
ଦେବୀ ସୁଭଦ୍ରାଙ୍କ ରଥଟଣା ଆରମ୍ଭ
ବଡଭାଇ ତାଳଧ୍ବଜଙ୍କ ରଥ ପରେ ଗଡିଲା ଦେବୀ ସୁଭଦ୍ରାଙ୍କ ରଥ । ସେବାୟତ ଟାଣୁଛନ୍ତି ରଥ । ନୀତି ନିର୍ଘଣ୍ଟ ପୂର୍ବରୁ ଆରମ୍ଭ ହେଲା ରଥଟଣା ।
12:37 July 20
ସୁଭଦ୍ରାଙ୍କ ରଥରେ ଘୋଡା ଜଚା
କିଛି ସମୟରେ ଆରମ୍ଭ ହେବ ସୁଭଦ୍ରାଙ୍କ ରଥଟଣା । ଦେବଦଳନ ରଥରେ ଘୋଡା ଜଚା ଚାଲିଛି
12:26 July 20
ବାହୁଡୁଛନ୍ତି ବଡଠାକୁର
ଛେରା ପହଁରା ପରେ ଆରମ୍ଭ ହେଲା ରଥ ଟଣା । ବଡଦାଣ୍ତ ଅଭିମୁଖେ ବାହୁଡିଛନ୍ତି ବଡଠାକୁର । ପ୍ରଥମେ ତାଳଧ୍ବଜ ରଥର ଆରମ୍ଭ ହୋଇଛି ରଥଟଣା । ରଥ ଟାଣୁଛନ୍ତି ସେବାୟତ ।
12:22 July 20
ତିନି ରଥରେ ସରିଲା ଛେରା ପହଁରା
ସରିଲା ଛେରା ପହଁରା । ପ୍ରଥମେ ତାଳଧ୍ବଜ ରଥ ପରେ ନନ୍ଦିଘୋଷ ଓ ଶେଷରେ ଭଉଣୀ ସୁଭଦ୍ରାଙ୍କ ରଥରେ ଶେଷ ହେଲା ଗଜପତିଙ୍କ ଛେରା ପହଁରା ନୀତି ।
12:06 July 20
ଦେବଦଳନ ରଥରେ ଗଜପତି
ଦେବଦଳନ ରଥରେ ଛେରା ପହଁରା କରୁଛନ୍ତି ଗଜପତି । ସରିଛି ବଡ ଭାଇ ବଳଭଦ୍ର ଓ ଜଗନ୍ନାଥଙ୍କ ରଥରେ ଛେରାପହଁରା ।
11:34 July 20
ନନ୍ଦିଘୋଷ ରଥରେ ଗଜପତି
ଛେରା ପହଁରା ପାଇଁ ନନ୍ଦିଘୋଷ ରଥରେ ପହଞ୍ଚିଲେ ଗଜପତି ।
11:19 July 20
ଛେରା ପହଁରା ନୀତି ଆରମ୍ଭ
ଛେରା ପହଁରା ନୀତି ଆରମ୍ଭ । ତାଳଧ୍ବଜ ରଥରେ ଛେରା ପହଁରା କରୁଛନ୍ତି ଗଜପତି ଦିବ୍ୟ ସିଂହ ଦେବ ।
11:06 July 20
ଛେରା ପହଁରା ପାଇଁ ପହଞ୍ଚିଲେ ଗଜପତି
ପହଣ୍ଡି ବିଜେ ନୀତି ଶେଷ ହେବା ପରେ ରଥାରୁଢ ହୋଇଛନ୍ତି ତିନିଠାକୁର । ଏହା ପରେ ଆରମ୍ଭ ହେବ ଛେରା ପହଁରା । ପହଞ୍ଚିଲେ ଗଜପତି ଦିବ୍ୟ ସିଂହ ଦେବ ।
10:51 July 20
ରଥକୁ ବିଜେ କରୁଛନ୍ତି ରାମକୃଷ୍ଣ ଓ ମଦନ ମୋହନ
ରଥକୁ ବିଜେ କରୁଛନ୍ତି ରାମକୃଷ୍ଣ ଓ ମଦନ ମୋହନ । ଏହା ପୂର୍ବରୁ ରଥାରୁଢ ହୋଇଛନ୍ତି ତିନି ଠାକୁର ।
10:41 July 20
ଘଣ୍ଟ ଓ ଶଙ୍ଖ ନାଦର ତାଳେ ତାଳେ କମ୍ପି ଉଠୁଛି ନାକଚଣା ଦ୍ବାର ।
ଘଣ୍ଟ ଓ ଶଙ୍ଖ ନାଦର ତାଳେ ତାଳେ କମ୍ପି ଉଠୁଛି ନାକଚଣା ଦ୍ବାର ।
ଘଣ୍ଟ ଓ ଶଙ୍ଖ ନାଦର ତାଳେ ତାଳେ କମ୍ପି ଉଠୁଛି ନାକଚଣା ଦ୍ବାର ।
10:28 July 20
ପହଣ୍ଡି ସମୟରେ ନଟଖଟିଆ କାଳିଆର ହୃଦୟସ୍ପର୍ଶୀ ଚିତ୍ର
ପହଣ୍ଡି ସମୟରେ ନଟଖଟିଆ କାଳିଆର ହୃଦୟସ୍ପର୍ଶୀ ଚିତ୍ର ।
10:21 July 20
ଶେଷ ହେଲା ପହଣ୍ଡି ବିଜେ ନୀତି
ଶେଷ ହେଲା ପହଣ୍ଡି ବିଜେ ନୀତି , ରଥାରୁଢ ହେଲେ ତିନିଠାକୁର । ଚକ୍ରରାଜ ସୁଦର୍ଶନ, ବଡଭାଇ ବଳଭଦ୍ର, ଭଉଣୀ ସୁଭଦ୍ରାଙ୍କ ପରେ ରଥାରୁଢ ହୋଇଛନ୍ତି ପ୍ରଭୁ ଶ୍ରୀ ଜଗନ୍ନାଥଙ୍କ ।
08:46 July 20
ଆରମ୍ଭ ହେଲା ପ୍ରଭୁ ଶ୍ରୀ ଜଗନ୍ନାଥଙ୍କ ପହଣ୍ଡି
ଚକ୍ରରାଜ ସୁଦର୍ଶନ, ବଡଭାଇ ବଳଭଦ୍ର, ଭଉଣୀ ସୁଭଦ୍ରାଙ୍କ ପରେ ଆରମ୍ଭ ହେଲା ପ୍ରଭୁ ଶ୍ରୀ ଜଗନ୍ନାଥଙ୍କ ପହଣ୍ଡି ବିଜେ ନୀତି ।
08:29 July 20
ଆରମ୍ଭ ହେଲା ଦେବୀ ସୁଭଦ୍ରାଙ୍କ ପହଣ୍ଡି
ଆରମ୍ଭ ହେଲା ଦେବୀ ସୁଭଦ୍ରାଙ୍କ ପହଣ୍ଡି ବିଜେ ନୀତି ।
08:17 July 20
ଆରମ୍ଭ ହେଲା ପ୍ରଭୁ ଶ୍ରୀ ବଳଭଦ୍ରଙ୍କ ପହଣ୍ଡି
ଆରମ୍ଭ ହେଲା ମହାପ୍ରଭୁ ବଳଭଦ୍ରଙ୍କ ପହଣ୍ଡି ବିଜେ ନୀତି ।
08:14 July 20
ରଥାରୁଢ ହେଲେ ଚକ୍ରରାଜ ସୁଦର୍ଶନ
ଧାଡି ପହଣ୍ଡିରେ ଆସି ରଥାରୁଢ ହେଲେ ପ୍ରଭୁ ଶ୍ରୀ ଚକ୍ରରାଜ ସୁଦର୍ଶନ ।
08:01 July 20
ପ୍ରଭୁ ଶ୍ରୀ ଚକ୍ରରାଜ ସୁଦର୍ଶନଙ୍କ ପହଣ୍ଡି ବିଜେ ଆରମ୍ଭ
ଆରମ୍ଭ ହେଲା ଶ୍ରୀଜିଉଙ୍କ ପହଣ୍ଡି ବିଜେ । ପ୍ରଭୁ ଶ୍ରୀ ଚକ୍ରରାଜ ସୁଦର୍ଶନଙ୍କ ପହଣ୍ଡି ବିଜେ ନୀତି ଆରମ୍ଭ ।
07:30 July 20
ଗୁଣ୍ଡିଚା ମନ୍ଦିର ସମ୍ମୁଖରେ ମନଲୋଭା ରଙ୍ଗୋଲି, ଏଇ ବାଟ ଦେଇ ବାହାରିବେ ଶ୍ରୀଜିଉ
ବାହୁଡିବେ ଚତୁର୍ଦ୍ଧାମୁର୍ତ୍ତି । ଶ୍ରୀଗୁଣ୍ଡିଚା ମନ୍ଦିର ସଜେଇ ହେବା ସହ ସନ୍ଦିର ସମ୍ମୁଖରେ ମନଲୋଭା ରଙ୍ଗୋଲି ।
07:05 July 20
ଶ୍ରୀଜିଉଙ୍କ ଅପେକ୍ଷାରେ ତିନିରଥ
ଶ୍ରୀଜିଉଙ୍କ ଅପେକ୍ଷାରେ ତିନିରଥ । କେତେବେଳେ ଚତୁର୍ଦ୍ଧାମୂର୍ତ୍ତି ଆସିବେ ଆଉ ରଥରେ ବିଜେ କରିବେ । ଆଗମନକୁ ଅପେକ୍ଷା କରି ସୁସଜ୍ଜିତ ତିନି ରଥ ।
06:59 July 20
ଶ୍ରୀଜିଉଙ୍କ ପାଇଁ ପୋଡ ପିଠା ପ୍ରସ୍ତୁତ
ବାହୁଡିବା ପୂର୍ବରୁ ଆଜି ମାଉସୀ ମା ମନ୍ଦିରରେ ପୋଡ ପିଠା ଖାଇବେ ଶ୍ରୀଜିଉ । ମଇଦା, ଦେଶୀ ଘିଅ, କିସମିସ, ଲବଙ୍ଗ ଇତ୍ୟାଦିରେ ତିଆରି ହୋଇଛି ପୋଡ ପିଠା ।
06:54 July 20
ଶ୍ରୀଜିଉଙ୍କ ସକାଳ ନୀତିକାନ୍ତି
ଜନ୍ମବେଦୀରୁ ରତ୍ନବେଦୀକୁ ବାହୁଡିବେ ମହାପ୍ରଭୁ । ଏନେଇ ଆଜି (ମଙ୍ଗଳବାର) ଭୋର ୪ଟାରେ ଶ୍ରୀ ଗୁଣ୍ଡିଚାରେ ଶେଷ ହୋଇଛି ମହାପ୍ରଭୁଙ୍କ ମଙ୍ଗଳ ଆଳତୀ । ଏହାପରେ ୪.୧୫ ଘଟିକାରେ ମଇଲମ । ୪.୩୦ରେ ତଡ଼ପ ଲାଗି ଓ ରୋଷ ହୋମ, ୫ଟାରେ ଅବକାଶ ନୀତି ଶେଷ ହେଇଛି । ଏହାପରେ ୫.୧୫ରେ ସୂର୍ଯ୍ୟ ପୂଜା, ୫.୩୦ରେ ଦ୍ବାରପାଳ ସହ ବେଶ ସମ୍ପର୍ଣ୍ଣ ହୋଇଛି । ଏବେ ଚାଲିଛି ଗୋପାଳ ବଲ୍ଲଭ ଓ ସକାଳ ଧୂପ (ଖେଚୁଡ଼ି ଭୋଗ) ଲାଗି ନୀତି ।
06:33 July 20
ଚାଲିଛି ଗୋପାଳ ବଲ୍ଲଭ ଓ ସକାଳ ନୀତି
ଗଡିବା ଅପେକ୍ଷାରେ ତିନିରଥ । ରଥ, ପଥ ସହ ଦଉଡିବି ପ୍ରସ୍ତୁତ ।
06:32 July 20
ବାହୁଡାଯାତ୍ରା ପାଇଁ ସଜେଇ ହୋଇଛି ଶ୍ରୀଗୁଣ୍ଡିଚା ମନ୍ଦିର
ପବିତ୍ର ବାହୁଡାଯାତ୍ରାରେ ଶ୍ରୀଗୁଣ୍ଡିଚାରରୁ ଶ୍ରୀମନ୍ଦିରକୁ ବାହୁଡିବେ ମହାପ୍ରଭୁ । ଏନେଇ ସଜେଇହେଇଛି ଶ୍ରୀଗୁଣ୍ଡିଚା ମନ୍ଦିର ।
06:03 July 20
ବଡଦାଣ୍ଡରେ ଗଡିଲା 3 ରଥ
ପୁରୀ: ଆଜି (ମଙ୍ଗଳବାର) ପବିତ୍ର ବାହୁଡାଯାତ୍ରା । ନବଦିନାତ୍ମକ ମାଉସୀ ଘର ଯାତ୍ରା ସାରି ରତ୍ନବେଦୀକୁ ଫେରିବେ ଚତୁର୍ଦ୍ଧାମୁର୍ତ୍ତି । ଭାଇଭଉଣୀଙ୍କ ସହ ଜନ୍ମବେଦୀ ଛାଡି ରଥରେ ଚଢି ବଡ ଦେଉଳକୁ ଫେରିବେ ବଡଠାକୁର । ମହାପ୍ରଭୁ ଶ୍ରୀଜଗନ୍ନାଥ, ଶ୍ରୀବଳଭଦ୍ର ଓ ଦେବୀ ସୁଭଦ୍ରା ଶ୍ରୀମନ୍ଦିରକୁ ପ୍ରତ୍ୟାବର୍ତ୍ତନ ବାହୁଡା ଯାତ୍ରା ଭାବେ ସର୍ବଜନବିଦିତ । ଶରଧାବାଲିରେ ତିନି ରଥ ପ୍ରସ୍ତୁତ । କୋରୋନା ଯୋଗୁଁ ଚଳିତ ବର୍ଷ ମଧ୍ୟ ବିନା ଭକ୍ତରେ ହେବ ବାହୁଡାଯାତ୍ରା ।
Last Updated : Jul 20, 2021, 7:29 PM IST