ପୁରୀ: ବହୁ ବାଦବିବାଦ ପରେ ଶେଷରେ ନଇଁଲା ଶ୍ରୀମନ୍ଦିର ପ୍ରଶାସନ । ବଦଳାଇ ଦେଲା ନିଜ ନିଷ୍ପତ୍ତି । ପୂର୍ବବର୍ଷ ପରି ଚଳିତ ବର୍ଷ ମଧ୍ୟ ରଥଯାତ୍ରା ସମୟରେ ସମସ୍ତ ଟିଭି ଚ୍ୟାନେଲକୁ ମିଳିବ ସିଧାପ୍ରସାରଣ ଅଧିକାର । ଆଉ ଏଥିପାଇଁ ଚ୍ୟାନେଲ ଗୁଡିକୁ ଶ୍ରୀମନ୍ଦିର ପାଣ୍ଠିକୁ କିଛି ଅର୍ଥ ଦେବାକୁ କୁହାଯିବ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ପୂର୍ବରୁ ସିଧାପ୍ରସାରଣ ପାଇଁ ବିଡିଂ ଆହ୍ବାନ କରିଥିଲା ମନ୍ଦିର ପ୍ରଶାସନ । ଗତକାଲି(ସୋମବାର) କିଛି ଟିଭି ଚ୍ୟାନେଲ ମଧ୍ୟ ପ୍ରସାରଣ ଅଧିକାର ପାଇବା ଲାଗି ଆବେଦନ କରିଥିଲେ । ତେବେ ପ୍ରଶାସନର ଏପରି ନିଷ୍ପତ୍ତିକୁ ବିଭିନ୍ନ ମହଲରୁ ବିରୋଧ ହେବା ପରେ ମନ୍ଦିର ପ୍ରଶାସନ ତାଙ୍କ ନିଷ୍ପତ୍ତି ବଦଳାଇଛନ୍ତି ।