ପୁରୀ: ପୁଣି ଇସ୍କନ ପକ୍ଷରୁ ଆମେରିକାରେ ରଥଯାତ୍ରା । ଅଦିନିଆ ରଥଯାତ୍ରା ପାଳନ କରୁଥିବା ନେଇ ଏକ ଭିଡିଓ ସାମ୍ନାକୁ ଆସିଛି । ଚଳିତ ମାସ 10 ତାରିଖରେ ଆମେରିକାର ମେରିଲ୍ୟାଣ୍ଡ ଅନ୍ତର୍ଗତ ବାଲ୍ଟିମୋର ଠାରେ ରଥଯାତ୍ରା କରାଯାଇଥିବା ସ୍ଥାନୀୟ ଇସ୍କନ ସଙ୍ଗଠନର ଏକ ଭିଡିଓ ପୋଷ୍ଟରୁ ଜଣାପଡିଛି । ଫେସବୁକରେ ଏହି ଭିଡିଓ ଇସ୍କନ ବାଲ୍ଟିମୋର ଫେସବୁକ ଆଇଡିରେ ଏହାକୁ ସେୟାର କରାଯାଇଛି ।
ଆମେରିକାରେ ଇସ୍କନ ପକ୍ଷରୁ ପୁଣି ଅଦିନିଆ ରଥଯାତ୍ରା
ଏହି ଭିଡିଓରେ ଏକ ଦାମୀ କାରରେ ଦାରୁବ୍ରହ୍ମଙ୍କୁ ବସାଇ ଇସ୍କନ ଧର୍ମାବଲମ୍ବୀମାନେ ରଥଯାତ୍ରା ପାଳନ କରୁଥିବା ଦେଖାଯାଇଛି । ବହୁ ସଂଖ୍ୟାରେ ଭାରତୀୟ ଓ ଆମେରିକୀୟ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ । କାର ଆଗରେ ଭାରତୀୟ ଜାତୀୟ ପତାକା ମଧ୍ୟ ଉଡୁଥିବାର ଦେଖିବାକୁ ମିଳିଛି । ସୋସିଆଲ ମିଡିଆରେ ଏଭଳି ପୋଷ୍ଟ ଦେଖିବା ପରେ ସାଧାରଣରେ ଆଲୋଚନାର ବିଷୟ ପାଲିଟିଛି।