ପୁରୀ: ପୁଣି ଚଳଚଞ୍ଚଳ ହୋଇଛି ଶ୍ରୀକ୍ଷେତ୍ର ଧାମ ପୁରୀ । ଶ୍ରୀମନ୍ଦିରକୁ ସର୍ବସାଧାରଣ ଦର୍ଶନ ଅନୁମତିରେ ପୁରୀକୁ ଛୁଟୁଛନ୍ତି ପର୍ଯ୍ୟଟକ । ଫଳରେ ସହରରେ କିଭଳି ପାଟ୍ରୋଲିଂ ବ୍ୟବସ୍ଥା ଜୋରଦାର ହୋଇପାରିବ ସେନେଇ ପୁରୀ ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି ।
ପୁରୀ ପୋଲିସରେ ସାମିଲ ହେଲା 3 ନୂଆ ପିସିଆର ଗାଡି
ପୁରୁଣା ପିସିଆର ଗାଡିକୁ ମରାମତି କରାଯାଇ ଥିବାବେଳେ ଆଉ 3 ଟି ନୂଆ ପିସିଆର ଗାଡି ପୁରୀ ପୋଲିସରେ ସାମିଲ କରାଯାଇଛି। ଏଥି ସହିତ ପିସିଆର ଗାଡି କିଭଳି ତ୍ବରିତ ବେଗରେ ଘଟଣାସ୍ଥଳରେ ପହଞ୍ଚିବ ଏବଂ ପିସିଆର ଗାଡି ଷ୍ଟାଫଙ୍କ ବ୍ୟବହାର କିଭଳି ଜନସାଧାରଣଙ୍କ ପାଇଁ ଉତ୍ତମ ରହିବ ସେ ନେଇ ତାଲିମ ଦିଆଯାଇଛି।