ଆନନ୍ଦପୁର: କେନ୍ଦୁଝର ଜିଲ୍ଲାର ଆନନ୍ଦପୁର ଅଞ୍ଚଳର ବିଭିନ୍ନ ରାସ୍ତାର ଦୁଇ ପାର୍ଶ୍ବରେ ଭରିଯାଇଛି କାଶତଣ୍ଡୀ । କେବଳ ରାସ୍ତାକଡ କି ନଦୀ ପଠା ନୁହେଁ, ଦୂର ଦିଗବଳୟ ଯାଏ ଲମ୍ବିଯାଇଛି କାଶତଣ୍ଡୀ ଫୁଲ । ଏହି ଫୁଲର ସୌନ୍ଦର୍ଯ୍ୟ କବିପ୍ରାଣରେ ଭରିଦେଉଛି ନୂଆ ରୋମାଞ୍ଚ । ପବନରେ ଦୋଳୀୟମାନ ହେଉଥିବା କାଶତଣ୍ଡୀ ଫୁଲର ସୌନ୍ଦର୍ଯ୍ୟରେ ଅଭିଭୂତ ହୋଇଉଠୁଛି ପଥିକ । ଏହାର ନୈଶର୍ଗିକ ଆଭାରେ ମଣିଷ କ୍ଷଣିକ ପାଇଁ ଭୁଲିଯାଉଛି ପାର୍ଥିବ ଯାତନା ।
ପବନରେ ଦୋଳୀୟମାନ କାଶତଣ୍ଡି; ସୌନ୍ଦର୍ଯ୍ୟରେ ଅଭିଭୂତ ପଥିକ, କବିପ୍ରାଣରେ ଭରିଛି ନୂଆ ରୋମାଞ୍ଚ
ଶାନ୍ତିର ପ୍ରତୀକ ଧବଳ ବର୍ଣ୍ଣର କାଶତଣ୍ଡୀ ଫୁଲ । ଶରତ ଋତୁରେ ପ୍ରକୃତିର ଏକ ବିଚିତ୍ର ସୃଷ୍ଟି । ରାସ୍ତାକଡ ହେଉ ଅବା ନଈପଠା, ସବୁଠି ଏବେ କାଶତଣ୍ଡୀ ଫୁଲର ଭଣ୍ଡାର । କବି ପ୍ରାଣରେ କାଶତଣ୍ଡୀ ଭରିଦେଉଛି ନବ ରୋମାଞ୍ଚ । କାଶତଣ୍ଡୀ ଫୁଲର ଚାମର ସ୍ପର୍ଶରେ ଧରାବତରଣ କରନ୍ତି ମା' ଦୁର୍ଗା । ଶରୀର ଓ ମନକୁ ଉତଫୁଲ୍ଲିତ କରି ଗଢି ତୋଳେ କାଶତଣ୍ଡୀ । ଶୀତଋତୁ ଆଗମନର ବାର୍ତ୍ତା ବହନ କରିଥାଏ ଏହି କାଶତଣ୍ଡୀ ଫୁଲ ।