କେନ୍ଦୁଝର: ଆଜି ସାରା ଦେଶରେ ଭଗବାନ ଶ୍ରୀକୃଷ୍ଣଙ୍କ ଜନ୍ମୋତ୍ସବ ପାଳନ କରୁଛି । ଆଜିର ଦିନରେ ଦ୍ବାପର ଯୁଗରେ ମାମୁଁ କଂସକୁ ଵଦ୍ଧ କରିବା ପାଇଁ ଭଗବାନ ଶ୍ରୀକୃଷ୍ଣ ଧରାପୃଷ୍ଠରେ ଅବତରଣ କରିଥିବା ହିନ୍ଦୁଧର୍ମରେ ବିଶ୍ବାସ କରାଯାଏ । ଏହି ବିଶ୍ବାସ ଆଧାରରେ ଦେଶର ଅନେକ ସ୍ଥାନରେ ଏହି ପବିତ୍ର ଦିବସକୁ ପାଳନ କରାଯାଉଛି । ତେବେ କେନ୍ଦୁଝର ସହରରେ ଥିବା ରାହସ ମନ୍ଦିରରେ ମଧ୍ୟ କୋଭିଡ଼ କଟକଣା ସହିତ ଜନ୍ମାଷ୍ଟମୀକୁ ଧୁମଧାମରେ ପାଳନ କରାଯାଉଛି ।
କେନ୍ଦୁଝରରେ ଜନ୍ମାଷ୍ଟମୀ ପାଳିଲେ ଭକ୍ତ, ମନ୍ଦିରରେ ପ୍ରବଳ ଭିଡ଼
ସକାଳୁ ମନ୍ଦିରରେ ଭକ୍ତଙ୍କ ଭିଡ଼ ପରିଲକ୍ଷିତ ହୋଇଛି । ଭକ୍ତଙ୍କ ଭିଡ଼କୁ ଦେଖି ମନ୍ଦିର କମିଟି ପକ୍ଷରୁ ବ୍ୟପାକ ବ୍ୟବସ୍ଥା ଗ୍ରହଣ କରିବା ସହ କୋରୋନା କଟକଣା ନିୟମ ପାଳନ କରାଯାଉଛି । ଗତବର୍ଷ କୋରୋନା କଟକଣା ସମୟରେ ମନ୍ଦିର ପ୍ରବେଶ ବନ୍ଦ କରାଯାଇଥିଲା ବେଳେ ଚଳିତ ବର୍ଷ ଭକ୍ତ ଦର୍ଶନ ପାଇ ବେଶ ଖୁସିଥିବା ପ୍ରକାଶ କରିଛନ୍ତି । ସେହିପରି କେନ୍ଦୁଝର ଜିଲ୍ଲାର ବିଭିନ୍ନ ରାଧାକୃଷ୍ଣ ମନ୍ଦିରରେ ଭିଡ଼ ପରିଲକ୍ଷିତ ହେଉଛି ।