ଗାଧୋଇବାକୁ ଯାଇ କାଠଯୋଡ଼ିରେ ଯୁବକ ନିଖୋଜ

କାଠଯୋଡିରେ ଗାଧୋଇବାକୁ ଯାଇ ଖାନନଗରର ଜଣେ ଯୁବକ ନିଖୋଜ ହୋଇ ଯାଇଛନ୍ତି । ଅଗ୍ନିଶମ ବାହିନୀ ପକ୍ଷରୁ ଖୋଜାଖୋଜି ଜାରି ରହିଛି।

କଟକ: ନଦୀରେ ଗାଧୋଇବା ହେଲା କାଳ। କାଠଯୋଡ଼ିରେ ବୁଡି ଜଣେ ଯୁବକ ନିଖୋଜ । ନିଖୋଜ ଯୁବକ ଜଣକ ହେଉଛନ୍ତି ଖାନନଗର ଅଞ୍ଚଳର କେଶବ ଗୁରୁ। ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ଖୋଜାଖୋଜି ଜାରି ରଖିଛି।

ଆଜି ସକାଳୁ ସ୍ନାନ କରିବାକୁ ଯାଇଥିବା ବେଳେ ନଦୀରେ ତାଙ୍କ ଗୋଡ ଖସି ଯାଇଥିଲା। ନଦୀର ସ୍ରୋତ ଅଧିକ ଥିବାରୁ ସେ ବୁଡି ଯାଇଥିବା ଜଣା ପଡ଼ିଛି। ଅନ୍ୟପଟେ ଅଗ୍ନିଶମ ଓ ଓଡ୍ରାଫ ଟିମ ଖବର ପାଇ ଘଟଣା ସ୍ଥଳରେ ପହଞ୍ଚି ଖୋଜାଖୋଜି କରୁଛନ୍ତି। ରିପୋର୍ଟ ଲେଖାଯିବା ପର୍ଯ୍ୟନ୍ତ କେଶବଙ୍କ ମୃତ ଦେହ ଠାବ କରାଯାଇପାରିନାହିଁ।

କଟକରୁ ନାରାୟଣ ସାହୁ, ଇଟିଭି ଭାରତ