କଟକ: ରାଜ୍ୟର ଦୁଇ ପ୍ରମୁଖ ନଦୀ ମହାନଦୀ ଓ କାଠଯୋଡି । ଓଡିଶାର ସର୍ବପୁରାତନ ସହର କଟକର ଦୁଇ ପାର୍ଶ୍ବରେ ରହିଛି ଏହି ଦୁଇ ନଦୀ । ତେବେ ଦିନକୁ ଦିନ ଏହି ଦୁଇ ବୃହତ ନଦୀର ଜଳ ଦୂଷିତ ହେବାରେ ଲାଗିଛି । କାରଣ କଟକ ସହରର ସମୂର୍ଣ୍ଣ ଆବର୍ଜନା ଓ ମଇଳା ପାଣି ସିଧା ସଳଖ ଏହି ଦୁଇ ନଦୀରେ ମିଶୁଛି । ତେବେ ଦୀର୍ଘ ଦିନର ଏହି ସମସ୍ୟା କ’ଣ ପାଇଁ ସମାଧାନ ହୋଇପାରୁ ନାହିଁ ? କ’ଣ କରୁଛି କଟକ ମ୍ୟୁନସିପାଲଟି କର୍ପୋରେସନ (ସିଏମସି)? ଏହାର ସମାଧାନ ପାଇଁ କ’ଣ ରାଜ୍ୟ ସରକାରଙ୍କ ଦାୟିତ୍ବ ନୁହେଁ କି ?
ମଇଳାରେ ଭର୍ତ୍ତି ମହାନଦୀ, ବିଷାକ୍ତ ହେଉଛି କାଠଯୋଡି
କଟକ ସହରର ମଇଳା ପାଣି ଖାନନଗର ଓ ପେଟାନାଳ ଦେଇ କାଠଯୋଡ଼ିକୁ ଏବଂ ତାଳଦଣ୍ଡା ଓ କାଳିଆବୁଦା କେନାଲ ଦେଇ ମହାନଦୀରେ ମିଶୁଛି । ମାତ୍ର ଗୁରୁତ୍ବପୂର୍ଣ୍ଣ କଥା ହେଉଛି, NGT ଗାଇଡ଼ଲାଇନର ଖୁଲମଖୁଲା ଉଲ୍ଲଙ୍ଘନ କରାଯାଇ ନଦୀରେ ମିଶୁଛି ଦୂଷିତ ଜଳ । ଫଳରେ ସହରର ତଳିଆ ଅଞ୍ଚଳରେ ବସବାସ କରୁଥିବା ଅଧିକାଂଶ ଲୋକେ ଏହାଦ୍ବାରା ପ୍ରଭାବିତ ହୋଇ ବିଭିନ୍ନ ମାରାତ୍ମକ ରୋଗର ଶିକାର ହେଉଛନ୍ତି ।