କଟକ: ହିରୋ ସାଜିଲେ ଟ୍ରାଫିକ କନେଷ୍ଟବଳ ଉମେଶ ପରିଡା । ନିଜର ଜୀବନକୁ ବାଜି ଲଗାଇ ବଂଚାଇଲେ ଅନ୍ୟର ଜୀବନ । ବାଦାମବାଡ଼ି ଟ୍ରାଫିକ ପୋଷ୍ଟଠାରେ ଘଟିଥିବା ଦୁର୍ଘଟଣାରେ ବ୍ୟକ୍ତିଙ୍କୁକାନ୍ଧରେ ପକାଇ ମେଡିକାଲରେ ଭର୍ତ୍ତିକରିଥିଲେ ଉମେଶ । ରକ୍ତ ଅଭାବ ଯୋଗୁଁ ନିଜ ରକ୍ତ ଦେଇ ବ୍ୟକ୍ତିଙ୍କଜୀବନଦାନ ଦେଇଥିଲେ ଉମେଶ । ଯାହାକୁ ନେଇ ଶନିବାର ଉମେଶଙ୍କୁ ସମ୍ମାନିତ କରିଛନ୍ତି ପୋଲିସ କମିଶନର ସତ୍ୟଜିତ ମହାନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ତେବେ ଏହି କାମ ପାଇଁ ପୋଲିସ ବିଭାଗକୁ ଗର୍ବିତ କରିଛନ୍ତି ଉମେଶ ପରିଡା । ଉମେଶଙ୍କ ଏଭଳି କାମରେ କମିଶନରେଟ ପୋଲିସର ନାଁକୁ ଉଚ୍ଚକୁ ନେଇଛି ବୋଲି କହିଛନ୍ତି କମିଶନର ସତ୍ୟଜିତ ମହାନ୍ତି । ତେବେ ଉମେଶଙ୍କ ଏହି କାମ ଅନ୍ୟ ପୋଲିସ କର୍ମଚାରୀଙ୍କୁ ବେଶ ପ୍ରେରଣା ଯୋଗାଇବ ବୋଲି କମିଶନର ଶ୍ରୀ ମହାନ୍ତି କହିଛନ୍ତି ।