କଟକ: ରାଜ୍ୟରେ ମୌସୁମୀ ଆଗମନ ପୂର୍ବରୁ ବ୍ଲୁ ପ୍ରିଣ୍ଟ ଶେଷ କରିଛି କଟକ ଜିଲ୍ଲା ପ୍ରଶାସନ । ଜୁନ ମାସରେ ମୌସୁମୀ ପ୍ରବେଶ ପୂର୍ବରୁ ମୁକାବିଲା ପାଇଁ ରୋଡ଼ ମ୍ୟାପ ସ୍ଥିର କରି ସାରିଛି କଟକ । ସମସ୍ତ ବିଧାୟକ, ମନ୍ତ୍ରୀ ଓ ଉଚ୍ଚ ପଦସ୍ଥ ଅଧିକାରୀଙ୍କ ଉପସ୍ଥିତିରେ ଜରୁରୀକାଳୀନ ବୈଠକ ପରେ ମୌସୁମୀ ମୁକାବିଲାରେ ସଫଳ ହେବାଲାଗି ଆଶା ରଖିଛନ୍ତି କଟକ ଜିଲ୍ଲାପାଳ ।
ମୌସୁମୀ ପୂର୍ବରୁ ବ୍ଲୁ ପ୍ରିଣ୍ଟ ଶେଷ, ସିଲଭରସିଟିରେ ପଡିବନି ପ୍ରଭାବ ପୂର୍ବରୁ କଟକରେ ଯେତେବେଳେ ମୌସୁମୀ ଆସେ ପ୍ରବଳ ବର୍ଷା ହେବା ଫଳରେ ଅନେକ ନଦୀ କୂଳିଆ ଚାଷ ଜମି ଫସଲ ଉଜୁଡି ଯାଇଥାଏ । ଏମିତକି ମହାନଗର ନିଗମ ଅଞ୍ଚଳର କିଛି ସ୍ଥାନରେ କୁତ୍ରିମ ବନ୍ୟା ମଧ୍ୟ ସୃଷ୍ଟି ହୋଇଥାଏ । ତେଣୁ ବିଶେଷକରି ଗ୍ରାମଞ୍ଚଳରେ ବେଶ କ୍ଷୟକ୍ଷତି ହୋଇଥଏ । ଯେପରି ଆଠଗଡ଼, ମାହାଙ୍ଗା, ବଡ଼ମ୍ବା ଓ ନରସିଂପୁର ଆଦି ଅଞ୍ଚଳରେ ନଦୀ କୂଳିଆ ଜମିରେ ବର୍ଷା ଜଳ ରହି କୁତ୍ରିମ ବନ୍ୟା ସୃଷ୍ଟି କରିଥାଏ ।
ତେଣୁ ଏହି ସମସ୍ୟାର ସମାଧାନ ପାଇଁ ଜରୁରୀକାଳୀନ ବୈଠକରେ ନିଷ୍ପତ୍ତି ଆସିଛି । ଏହି ଅସୁବିଧା ଆଉ ଦୃଷ୍ଟି ଗୋଚର ହେବନାହିଁ ବୋଲି ସ୍ପଷ୍ଟ କରିଛନ୍ତି ଜିଲ୍ଲାପାଳ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
