ପୂଜା ମଣ୍ଡପକୁ ସୁରକ୍ଷା ଦେଲେ ହାଇକୋର୍ଟ, ପୋଲିସ କମିଶନର ଜବାବ ରଖିବାକୁ ନିର୍ଦ୍ଦେଶ

ମୂର୍ତ୍ତି ନିର୍ମାଣକୁ ନେଇ ପୋଲିସ କମିଶନରଙ୍କ ନିର୍ଦ୍ଦେଶନାମା ସମ୍ପର୍କରେ କୋର୍ଟରେ ଆଜି(ବୁଧବାର) ଶୁଣାଣି ହୋଇଛି। ଏନେଇ ଜବାବ ରଖିବାକୁ ପୋଲିସ କମିଶନରଙ୍କୁ କୋର୍ଟ ନିର୍ଦ୍ଦେଶ ଦେଇଛନ୍ତି।

କଟକ: ପୂଜା ମଣ୍ଡପ ମୂର୍ତ୍ତି ନିର୍ମାଣକୁ ନେଇ ପୋଲିସ କମିଶନରଙ୍କ ନିର୍ଦ୍ଦେଶନାମା ସମ୍ପର୍କରେ କୋର୍ଟରେ ଆଜି(ବୁଧବାର) ଶୁଣାଣି ହୋଇଛି। ଏନେଇ ଜବାବ ରଖିବାକୁ ପୋଲିସ କମିଶନରଙ୍କୁ କୋର୍ଟ ନିର୍ଦ୍ଦେଶ ଦେଇଛନ୍ତି।

ଆସନ୍ତା ଅକ୍ଟୋବର 7 ତାରିଖ ମଧ୍ୟରେ ଜବାବ ରଖିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ସେହିପରି ନିର୍ମାଣ ହୋଇଥିବା ମୂର୍ତ୍ତିକୁ ସୁରକ୍ଷା ଦେଇଛନ୍ତି କୋର୍ଟ। ନିର୍ମାଣ ହୋଇଥିବା ମୂର୍ତ୍ତି ଉପରେ କୌଣସି କାର୍ଯ୍ୟାନୁଷ୍ଠାନ ନନେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ଆସନ୍ତା ଅକ୍ଟୋବର 9 ରେ ମାମଲାର ପରବର୍ତ୍ତୀ ଶୁଣାଣି କରାଯିବ।

କଟକରୁ ନାରାୟଣ ସାହୁ, ଇଟିଭି ଭାରତ